Чаа өөредилге чылында Тываның көдээ ажыл- агый техникумунуң сургуулдары Россия Федерациязының Чазааның стипендиаттары болур. Оларның өөредилгеге болгаш эртем-шинчилел ажылдарынга чедиишкиннерин бедик үнелээн.
Россия Федерациязының Чазааның стипендиязын дээди болгаш ортумак өөредилге черлериниң тергиин өөредилгелиг, чурттуң экономиктиг хөгжүлдезинге технологтуг база модернизастыг угланыышкынныг чогаадыкчы, эртем-шинчилел ажыл-чорудулгазында чедиишкинниг студентилерге тыпсыр.
Стипендияны бир чылга доктаадыр. Ону 2024 чылдың сентябрь 1-ден алыр.
РФ-тиң Чырыдыышкын яамызының доктаалы езугаар бо чылын Тываның көдээ ажыл-агый техникумунуң 2 сургуулу Россия Федерациязының Чазааның стипендиаттарының санынче кирген. Ол дээрге 2-ги курсчу Каң-Болат Иргит биле 3-кү курсчу Кирилл Сергеенко-дур.
Стипендиаттарга бедик чедиишкини-биле байырны чедирип, моон-даа соңгаар өөредилгеге, спортка, эртем-төлевилел ажыл-чорудулгазынга чаа-чаа тиилелгелерни күзээлиңер!
ТР-ниң Өөредилге яамызының медээлеринден.
Чуруктарны интернеттен алган.
«Шын» №40 2024 чылдың июнь 1
![](https://sun4-21.userapi.com/impg/pjWD39oVPPbcP01X5-4XHbp3a_G_AhSYv61Wfw/6dTPC1G3wd4.jpg?size=807x605&quality=95&sign=b9dc2f0273d8faf5df5d8e9158be5332&c_uniq_tag=oXd9JTgNSFPVxeUymaMbLaYfZjEmGoUVtnqa74b5Oe8&type=album)
![](https://sun4-20.userapi.com/impg/e1_OjYnfAGB4QftL1MA0csZzah7q478_mS7idg/HEDnGkLg7qg.jpg?size=807x602&quality=95&sign=5219c01b0bd10cf510768350685b835f&c_uniq_tag=K1OVyI0GpkgDeJJQS5l4bsP2gcWh4dlc9a6gx9raEDo&type=album)