Эргим херээженнер!
Бүгү-делегейниң херээженнер хүнү-биле силерге сеткилимниң ханызындан байыр чедирип тур мен!
Бистиң чуртувуста бо байырлал өөрүшкүлүг, чырык сеткил-хөөн-биле долган онзагай утка-шынарлыг. Херээжен кижиге – аваларга, кырган-аваларга, угбаларынга, душтуктарынга, кыстарынга сагыш човаачал хамаарылганы салгалдан салгалче дамчып келгенин ол илередип турар.
Бөгүн магадалдың болгаш өөрүп четтириишкинниң эң-не эргим сөстерин силерге илередип тур бис. Ажы-төл дугайында сагыш човаашкыныңар, өг-бүлеге эп-найыралды болгаш тайбыңны кадагалап, аал-ораныңарга аянныг болгаш чылыг-чымчак байдалды тургузуп, арыг чараш сагыш-сеткилиңер база чоок кижилериңерге дузалажыр күштү кезээде тып ап чорууруңар дээш, эр улус мурнундан өөрүп четтириишкинивис төнчү чок.
Бистиң ынак Төрээн чуртувустуң хөгжүлдезин российжи херээженнерниң тургузукчу үлүг-хуузу чок кылдыр бодаары болдунмас. Херээжен чон бүгү-ле мергежилдерде – эртемде, бүдүрүлгеде, социал болгаш гуманитарлыг адырда салым-чаяанын ажыдып, кайгамчык чедиишкиннерни чедип ап чоруур. Күш-ажылга ынааңар база бедик харыысалгаңар-биле бүзүрелдиг ажылдакчылар болгаш шыырак удуртукчулар болуп чоруур силер.
Россияның Чепсектиг Күштериниң одуругларында албан-хүлээлгезин эрттирип, Ада-чурт камгалаар хүлээлгени күүседип чоруур херээжен шериг албанныгларга ханы хүндүткел-биле байыр чедирип тур мен. Ол ышкаш Россияның бот-догуннаашкынын болгаш хамаарышпас чоруун камгалап, мурнуку одуругларда тулчуп чоруур тускай шериг операциязының киржикчилериниң аваларынга, кадайларынга, келиннеринге мөгейигни илередип тур мен. Силер-биле кады оолдарывыска чоргаарланып, оларның чанып кээрин манаар бис.
Хүндүлүг херээженнер! Чоок улузуңарның ынакшылы болгаш сагыш човаашкыны силерни хүн бүрүде бүргеп чорзун деп сеткилим ханызындан күзедим. Силерге кадыкшылды, билчилгени, бүгү-ле эгелээшкиннериңерге чедиишкиннерни күзедим. Силерниң чуртталгаңарга өөрүшкүнүң болгаш хүлүмзүрүгнүң чылдагааннары хөй болзун. Бүгү-делегейниң херээженнер хүнү, байырлал-биле!
Россия Федерациязының Президентизиниң Сибирь федералдыг округта бүрүн эргелиг төлээзи А.СЕРЫШЕВ.