Хүндүлүг башкылар болгаш студентилер, өөреникчилер база оларның ада-иелери! Билиглер хүнү-биле байыр чедирип тур мен!
Бөгүн муң-муң оолдар, уругларга чаа өөредилге чылы эгелээр. Оларның хөй кезии чедиишкинниг өөрениринге бүгү-ле байдалдарны тургускан амгы үениң чаа школаларының эжиктерин бир дугаар ажыдар.
Бирги классчылар болгаш доозукчулар сентябрьның бирин онза дүвүрел болгаш өөрүшкү-биле уткуп турарлар. Чамдыктары школачы орукту чаа изеп улуг билиглерниң делегейин ажыдып, чаа рольга чаңчыгып, чаа эш-өөрнү тып алырлар. А бо чылын школа доозарлар – улаштыр өөренир угланыышкынын, мергежилин, боттарының келир үезин шилип алырлар. Силерниң эң чоок кижилериңер – ада-иеңер болгаш башкыларыңар силерни деткип, а школа кажанда-даа силерниң эглип кээр ийи дугаар бажыңыңар болуп артып каарын сеткилимден күзедим.
Россия эрткен салгалдарның чедиишкиннерин хөгжүткен, бурунгаар чүткүлдүг кижилерниң күжениишкиннериниң ачызында кезээде күштүг. Ёзулуг быжыг күрүнениң дыңзыг таваан аңгы-аңгы мергежилдиг ажылчыннары тургузуп турар, оларның артында дагдыныкчылары чоруур.
Студентилерге болгаш башкыларга байырны аңгы чедирип тур мен. Бистиң үндезин эртемивистиң быжыг туружунуң ачызында хөй-ле адырларда бурунгаар депшилге чедип алдынган. Колледжтер болгаш дээди өөредилге черлериниң доозукчулары башкылардан алган теоретиктиг билиглерин болгаш практиктиг арга-дуржулгазын Ада-чуртунуң чаагай чоруунга ажыглап, ол алдарлыг чаңчылдарны төлептиг уламчылаар дээрзинге бүзүрээр мен.
Эргим эш-өөр! Нарын айтырыгларны дидим сегирип ап, мурнуңарда улуг сорулгаларны шудургу чедип алыңар. Чуртталга канчаар-даа өскерлир болза, шынчы чорук, төрээн чуртка ынакшыл, ынакшыл, буянныг сеткил, эр сорук, ачы-дуза, бодунуң Төрээн чуртунуң салым-чолу дээш харыысалга болгаш хүлээлгени миннири – езулуг үнелиг чүүлдер бооп артарын утпаңар. Байырлал-биле! Орууңар ак болзун!
Россия Федерациязының Президентизиниң Сибирь федералдыг округта бүрүн эргелиг төлээзи Анатолий СЕРЫШЕВ.