Хүндүлүг Прокуратура ажылдакчылары болгаш хоочуннары! Профессионал байырлалыңар-биле сеткилимниң ханызындан байыр чедирип тур мен!
Россияның төөгүзүнүң бүгү-ле үе-чадаларында прокуратура хоойлуга болгаш чонга бараан болурунуң бедик хүлээлгезин доктаамал күүседип келген. Силер — бистиң күрүневистиң күчү-күжүнге болгаш ниитилелдиң турум чоруунга үндезилеттинген хоойлу-дүрүмнүң бүзүрелдиг чөлеңгиижи, эрге-хоойлу тергииделиниң быжыг магадылалы-дыр силер. Хамаатыларның эргелерин камгалаар, чөптүг-шынчы чорукту катап тургузар, кара туразында аажылаашкынны чок кылыр талазы-биле Силерниң хүн бүрүде ажылыңар чурттуң хөгжүлдезинге быжыг хоойлу-дүрүм үндезинин тургузуп турар.
Россия бодунуң бот-догуннаашкынын болгаш национал сонуургалдарын бүзүрелдиг камгалап турар амгы үеде прокуратураның ролю онза ужур-уткалыг. Национал төлевилелдер күүселдези, экономиканың адрестиг деткимчези, бюджет акша-хөреңгизиниң шын ажыглалы дээн ышкаш айтырыглар улуг кичээнгейни негеп турар. Тускай шериг операциязының киржикчилериниң болгаш оларның өг-бүлелериниң эрге-ажыын сагып турарын хайгаараар, камгалал керээлериниң хажыт чок күүседир дээн ышкаш айтырыгларга тускай контроль херек.
Коррупцияга, организастыг кем-херек үүлгедиишкининге болгаш экстремизмге удур демисел, хамаатыларның конститусчу эргелерин камгалаары – силерниң мурнады көөр айтырыгларыңар бооп арткан. Амыдыралдың берге байдалдарынга таварышкан болгаш хоойлу-дүрүм камгалалынга хереглелдиг кижилерге дуза кадарынга силерниң кичээнгейлиг болгаш негелделиг чорууңар онза өөрүп четтириишкинге төлептиг. Шынчы болгаш төлептиг ажылы-биле российжи прокуратураның алдарлыг чаңчылдарын уламчылаан ведомствонуң хоочуннарынга аңгы өөрүп четтирдим.
Силерниң бедик профессионал чорууңар, кайгамчык арга-дуржулгаңар болгаш албан хүлээлгеңерге бердингениңер ам-даа улуг чедиишкиннерни чедип алырынга дузалаар дээрзинге бүзүрээр мен.
Силерге быжыг кадыкшылды, бедик хей-аътты, өг-бүлеңерге аас-кежикти, Россияның чаагай чоруу дээш харыысалгалыг ажылыңарга ам-даа чедиишкиннерни күзедим!
Байырлал-биле!
Россия Федерациязының Президентизиниң Сибирь федералдыг округта бүрүн эргелиг төлээзи Анатолий Серышев.