Россияның эртем хүнү-биле эртемденнерге, эртем ажылдакчыларынга, шинчилекчилерге байыр чедирип тур мен! Экономиктиг, социал болгаш камгалал адырларында күрүнениң эң чугула стратегтиг сорулгаларын шиитпирлээр дээш идепкейлиг ажылдап турар силер. Силерниң тургузукчу хей-аъдыңар, төрээн чериңерге болгаш ажыл-ижиңерге кызыгаар чок бердингениңер, бодалыңарның эрес-дидими болгаш билиглерже чүткүлүңер Россияның эртем болгаш инновастыг хөгжүлдезинге бүзүрелдиг үндезинни тургускан. Дыка хөй алдарлыг эртем ажылдакчылары, оларның үени мурнай берген бурунгаарлаашкынныг ажыдыышкыннары Сибирь школазын төлээлеп турар.
Бөгүнде Сибирь регионнарында делегей чергелиг элээн каш эртем төлевилелдери боттанып турар. Оларның эң колунга - Новосибирск облазының Кольцово деп эртем хоорайында “Сибирьниң долгандырыг фотоннар үндезини” коллективтиг ажыглал төвүнүң тудуу хамааржыр. Сибирьниң эртемденнери Россияның Президентизи Владимир Путин-биле ужуражып тура, ону тудар дугайында бодалын саналдаан. Күрүне баштыңы ол улуг ужур-дузалыг инициативаны деткээн. Онзагай комплекстиң тудуунда тудугжулар болгаш эртемденнер кады ажылдап, мурнады көөр угланыышкыннарда мурнакчы шинчилелдерни чорударының чаа аргаларын бо чоокку үеде ажыглаар кылдыр, бүгү күжениишкиннерни ынаар салган.
Ада-чурттуң Улуг дайынынга Тиилелгениң 80 чылдаан оюнда фронтуга тулчуп, тылга ажылдап, бодун өргээн Сибирьниң эртемденнеринге онза хүндүткелди илередип тур мен. Хоозуралдыг болгаш каржы-дошкун дайын чылдарының соонда, эң-не кыска үе иштинде, ядерлиг камгалалды чогаадып, космосту шиңгээдип алган чурттуң чедиишкиннеринге эртемденнерниң киирген үлүг-хуузу канчаар-даа аажок үнелиг. Россияның амыр-тайбың амыдыраар болгаш бот-тускайлаң бурунгаар хөгжүүр эргезин бөгүн база катап камгалап турар бис. Он-он чылдар бурунгаар ышкаш, эртем ниитилежилгези бүгү күжүн бистиң ниити Тиилелгевисти чоокшуладырынче, российжи күрүнениң технологтуг бот-догуннаашкынын болгаш камгалалын быжыглаарынче угландырганы дээш, четтирдим.
Эргим эштер! Ада-чурттуң чаагай чоруу дээш кылып турар ажыл-ижиңерге чедиишкиннерни база чаа-чаа чогаадыкчы ажылдарны сеткилимниң ханызындан күзедим. Силерниң коллективтериңерге чогаадыкчы чорук болгаш кады ажылдажылга кезээде делгереп турзун. Силерге болгаш чоок кижилериңерге кадыкшылды болгаш аас-кежикти күзеп тур мен!
Байырлал-биле!
Россия Федерациязының Президентизиниң Сибирь федералдыг округта бүрүн эргелиг төлээзи Анатолий Серышев