Россия Федерациязының Президентизи Владимир Путинниң даалгазы-биле уругларның болгаш аныяктарның “Баштайгыларның шимчээшкини” (“Движение первых”) хөй-ниити организация “Россияның күжү” (“Сила России”) төлевилелди боттандырып, патриотчу кижизидилге лагерьлеринге назы четпээн уругларның дыштанылгазын организастап турар.
“Россияның күжү” төлевилелди 2023 чылдың сентябрь 21-ден ноябрь 5-ке чедир чурттуң тос регионунга (Соңгу Осетия – Алания Республикага, Татар Республикага, Краснодар крайга, Чечен Республикага, Хабаровск крайга, Москва, Новгород, Новосибирск, Челябинск областьтарга) боттандырып эрттирер.
Хабаровск крайның “Созвездие” бичии уруглар төвүнге октябрь 18–25 хүннеринде барып дыштанырынче Тываның элээди уруглар, оолдарын “Баштайгыларның шимчээшкини” хөй-ниити организация чалаан. Тыва Республикадан “Созвездиеге” барып дыштаныр 10 уругну шилип, белеткеп эгелей берген.
«Шын» №78 2023 чылдың октябрь 14