Тываның Чазак Даргазы Владислав Ховалыг Рождество-биле республиканың хөй омак-сөөктүг чонунга болгаш Кызылдың православ шажынның епархиязының ламаларынга чүректиң ханызындан байырын чедирген. Ол ышкаш чонну удур-дедир билиишкинниг болурунче кыйгырган православ шажынның ёзу-чаңчылдарының кайгамчык байдалды тургузуп турарын демдеглевишаан, бүгүдениң өг-бүлезинге менди-чаагай чорукту болгаш быжыг кадыкшылды күзээн.
“Эргим чаңгыс чер-чурттугларым!
Силер бүгүдеге Рождество-биле сеткилимниң ханызындан байыр чедирип тур мен.
Бо чырык байырлал – эки үүле-херектер чогударының болгаш өөрүшкүнүң, идегелдиң, хуулгаазынныг чүүлдер манаашкынының үези. Чүдүлге таварыштыр чүректерниң чылыы сиңген үе.
Православ шажынның ёзу-чаңчылдары салгалдан салгалче чонну удур-дедир билиишкинниг болурунче кыйгырып, чүге-даа дөмейлешпес байдалды тургузуп турар.
Кызылдың православ шажын чүдүлгезиниң епархиязының ламаларының республиканың ажыл-амыдыралынга, ниитилелдиң мөзү-шынарын кадык болдурарынга болгаш өг-бүлениң үнелелдерин быжыктырарынга киирип турар үлүг-хуузу дээш өөрүп четтиргенимни илередип тур мен.
Сагыш-сеткилдиң чылыы долган байырлалда өг-бүле бүрүзүнге экини, дөргүл-төрелиңер, чоок улузуңар-биле өөрүшкүлүг байдалга бүргедириңерни база кадыкшылды, менди-чаагай болгаш чөпшүл чорукту, амыр-тайбыңны силер бүгүдеге күзедим!”
