500 муң рубльга чедир грантыже билдириишкиннер хүлээп алыышкыны эгелээн. Аңаа социал угланыышкынныг сайгарлыкчы аныяктар (25 харга чедир) киржип болур.
Грант деткимчезин хууда сайгарлыкчылар, “социал сайгарлыкчы” эргелиг 25 харга чедир биче бизнести чорудуп турар удуртукчулар ап болур.
Эң-не кол негелдези – чорудуп турар бизнези Тыва Республикада бүрүткеттинген болур ужурлуг. Ол ышкаш “Сайгарлыкчының школазы” курстарны эрткен турар ужурлуг.
Билдириишкиннерни 2022 чылдың август 22-ден сентябрь 21-ге чедир хүлээр.
Чаңгыс грант алыкчызынга деткимчениң эң улуг хемчээли 500 муң рубльдан ашпас ужурлуг. Эң биче хемчээли 100 муң рубльдан эвээжевес.
Деткимчеге алган грант ашказы-биле төлевилелин боттандырарынга көрдүнген оран-саваның септелгезинче, арендазынче чарыгдап болур. Ол ышкаш бизнезинге чугула дериг-херексел садып алыр, чарыгдалдыг кезээн дуглаары дээш төлевилелге хамаарылгалыг чарыгдалдарны чорудуп болур.
Грант акшазын алырда сайгарлыкчы кижи төлевилелге көрдүнген түңнүң 25 хуузун хандырар ужурлуг
Грантыга киржирде өске кандыг негелделер барын, кандыг документилерни чыыры дээш өске-даа медээлерни Тываның Экономика яамызының сайтызындан көрүп ап болур.