Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
28 июня, вт

Сактыышкынның чулазы

22 июня 2022
1

Бистиң чуртка Сактыышкынның болгаш кажыыдалдың хүнүнде Ада-чурттуң Улуг дайынының маадырларынга хүндүткелди көргүзери чаңчыл болган. Июнь 22-де маадырларның тураскаалдарынга боодал чечектер салыр, сактыышкын чулазы кыпсыр езулалдар, ол ышкаш бүгү регионнарга чаңгыс үеде кажыыдалдың минутазын кылып турар.

Москва шагы-биле 12:15 – совет хамаатыларга нацистиг Германияның Совет Эвилелинче халдаанының дугайында чарлаан шагы. Мугур бир минута дургузунда транспорт туруптар, супермаркеттерде кассаларның ажылын соксадыптар, телеканалдар болгаш радионуң дамчыдылгалары, бүдүрүлгелерниң ажылы туруптар. Бүгү-российжи кажыыдал минутазынга кижи бүрүзү каттыжып болур, минута дургузунда ажылын соксаткаш, дайынга чок болган төрээн болгаш чоок кижилериниң база чаңгыс чер-чурттугларының дугайында бодап сактыр.

Ол ышкаш Тываның чурттакчылары июнь 15-те эгелээн Бүгү-российжи “Сактыышкынның чулазы” онлайн-акцияга каттыжып болур.

Июнь 22-ге чедир кижи бүрүзү дайынга чок болганнарга сактыышкын кылып деньпамяти.рф сайтка виртуалдлыг чуланы кыпсып болур.

Ада-чурттуң Улуг дайынының маадырларынга өөрүп четтириишкинни илередир база Төрээн чурт камгалакчыларынга сактыышкынны кадагалаарынче кыйгырган акция-дыр. Акцияның социал ужур-уткалыг түңнели – Ада-чурттуң Улуг дайынының хоочуннарынга эмчи дузазын көргүзери.

“Сактыышкынның салгалдары” ачы-буянныг фонд акцияның оператору болуп турар. Хоочуннарга эмчи дузазы көргүзеринге, кывыскан лааларның түңү-биле акша-хөреңгини аңгылаар.

Июнь 22-де 16.00 шакта найысылалга база республиканың кожуун төптериниң кол шөлдеринге Ада-чурттуң Улуг дайынының маадырларының тураскаалдарынга сактыышкын езулалын кылып, дээрбек чечектерни салыр.

Ол-ла хүн “Сактыышкын чулазы” деп Бүгү-российжи акция база болур. Дайынга чок болган шериглерге сактыышкын кылдыр бүгү чурттуң хоорай, суурларының чурттакчылары чулаларны кыпсыр.

Кызыл хоорайга акция чаңчылчаан Тиилелге шөлүнге эртер. Акция 21.00 шакта эгелээр.