Тывада 300 ажыг бичии мөгелер самбо секциязынче барып турар. Кажан республика үш чыл бурунгаар «Самбону – школаларже» деп бүгү-российжи төлевилелче каттыжып кирип турда, оларның саны 100 кижи турган.
Россияның национал чоргааралы болур самбоже бичии оолдарны хаара тудар саналды 2010 чылда Москваның школалары идип үндүргенин сагындыраал. Өске регионнарның школаларынга аңгы кичээл кылдыр самбо клубтарын ажыдар арга-дуржулганы нептередир дээн инициативаны Президент Владимир Путин деткээн.
Тывада «Zа самбо» деп төлевилелдиң сайзыралының дугайында «Тыва: дем-биле хөйнү кылыылыңар!» медиа-төлевилел тайылбырны кылды.
Бистиң корр.
«Шын» №66 2024 чылдың август 31
