Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
09 августа, вт

СЕНАТОР-БИЛЕ УЖУРАЖЫЛГА

20 июля 2022
8

ТУСКАЙ ДУЗА ХЕРЕК УГЛАНЫЫШКЫННАР

Амгы үеде көдээ ажыл-агыйныӊ хөгжүлдезинге дорт хамаарылгалыг ажыл-херекти федералдыг деӊнелге база катап сайгарарыныӊ дугайында Тываныӊ Баштыӊы Владислав Ховалыг социал четкиде арнынга бижээн:

«Сенатор Людмила Борисовна Нарусова ажыл аайы-биле Тывада чедип келген. Федералдыг деӊнелге чедир ажылдап кылырын негеп турар хүн бүрүнүӊ бергедээшкиннерин сайгарып чугаалаштывыс.

Агроүлетпүр комплекизиниӊ сайзырадып хөгжүдер айтырыгларны аӊгы сайгарып көрдүвүс. Республикага агроүлетпүр комплекизин шалыпкын хөгжүдериниӊ талазы-биле күрүне программазыныӊ төлевилелин эрткен чылын ажылдап кылгаш, Россияныӊ Көдээ ажыл-агый сайыды Дмитрий Николаевич Патрушевке ону таныштырып көргүскен бис.

Ниитизи-биле бистиӊ эгелекчи саналывыс деткимчени алган, ооӊ иштинде Сибирь Федералдыг округтуӊ куратору, РФ-тиӊ Чазааныӊ Даргазыныӊ оралакчызы Виктория Валериевна Абрамченко деткээн, кезек чүүлдерни чедир ажылдап кылгаш, ону катап көргүзер бис.

Тускай аргалар-биле дузалаар ужурлуг угланыышкыннарны Людмила Борисовна-биле демдеглеп алдывыс. Ол дээрге электри хандырылгазын малчыннарныӊ хонаштарынга, фермаларга чедир кылыры, мал эмчилериниӊ кадрларын белеткээри, сарлык болгаш чылгы малды азырап өстүрерин деткиири, ооӊ иштинде ипподромну катап тургузары.

Сөөлгү чылдарда республикада чылгы малдыӊ саны өзүп көвүдээн, амгы үеде 95 ажыг муӊ баш чеде берген. Ол дээрге ылап хөй сан-дыр, одар-белчиирин көрүп шилиири, чылгы мал төрүлдези, аът малды канчаар ажыглаары, ооӊ иштинде аът спортунуӊ хевирлерин организастаары дээн ышкаш ажылдар шыӊгыы хамаарылганы негеп турар.

Алгы-кеш эттээр, ону болбаазырадып кылыр талазы-биле республикага бүдүрүлге тургузары чугула херек дээрзин база дугуржуп чугаалаштывыс. Бисте төлевилел бар, ону кылырын оралдажып турган бис. Ындыг-даа болза, амдыызында оон чогумчалыг үре-түӊнел болдунмайн барган. Ук төлевилелди сенаторнуӊ кады ажылдажылгазы-биле делгемчидип эде көөр бис.

Көдээ ажыл-агый болгаш экономиктиг хөгжүлде яамыларынга болур-чогуур саналдарны киирериниӊ дугайында даалга бердим.»

Р.Демчик очулдурган