🍁 Дыгый булуттар — мөөгү хөй болур.
🍁 Сентябрь изиг болгаш кургаг болган тудум, кыш орай кээр.
🍁 Бир эвес бүрүлер даштыкы талазы-биле өрү баштандыр дүшкен болза — соок кыш, а куду баштандыр — агаар чылыг болур.
🍁 Чыып алган дүжүдү-биле кышка белеткелди «кыс» хүннерде кылырга эки: средада, пятницада азы субботада — шыгжамыры эки болур.
🍁 Хадыңнар бажындан саргарып эгелээрге, келир час эрте дүжер, а адаан- дан — орай час.
🍁 Тоорук элбек, а мөөгү чок болза — дошкун болгаш харлыг кыш болур.
🍁 Сентябрьда диңмирээрге, чылыг күс, харлыг кыш болур.
🍁 Аргада опяталар хөй үнген болза, курьяк чай манаваңар.
🍁 Ханды-кара (черная бузина), хөөрүс (рябина), калина эрте быжарга, дошкун болгаш харлыг кышты манаңар.
🍁 Калина бышкан-даа болза, бүрүлери ногаан хевээр болза, күс чылыг болур.
🍁 Дубтуң чочагайлары хөй болур болза, Рождество бетинде хөй харны, чылыг кышты база дүжүткүр чайны манаңар.
“Шын” №68 2024 чылдың сентябрь 7
