Свекольник — изиг чайын сериидедир мүн. Ону витаминнер болгаш минералдар-биле байлак свёкла-биле кылыр.
Чиик болгаш хоолулуг бо мүннү кылыры эң белен. Ол чүгле аштаанын чидирер эвес, организмге дыка ажыктыг.
Свекольниктиң эң-не кол холуксаазы — свёкла В бөлүктүң витаминнеринден, С витамин база ажыктыг антиоксидантылардан тургустунган. Ол иммунитет быжыглаарынга дузалаар, чем хайылдырарын экижидер болгаш дамырларны быжыглаар.
Йогурт, тарак азы квас ажыглаар болгаш, мүн ижинниң микрофлоразын камгалаарынга дузалаар. Ол ышкаш свекольник килин хайгаарап, диета сагып турар улуска тааржыр, эвээш калорийлиг мүн.
Херек чүүлдер: 2 свёкла, 2 огурец, 2 хайындырган чуурга, ногаа (укроп, петрушка, ногаан согуна…), 1 литр квас, тарак азы йогурт, 2 улуг шопулак сметана, шымчым дус.
Кылыры: свёкланы чымчадыр хайындыргаш, улуг үттүг дүрбүүшке дүрбүүр. Огурецтерни дөрбелчинней кезер, чуургаларны бичииледир хээр. Оңгар тавакка свёкла, огурец, чуурга база ногааны салгаш, холуй былгаар.
Ол бүгүнүң кырынче квас азы таракты куткаш, сметана биле дусту немээш, эки холуй былгааш, соодур тургузар. Столга салыр мурнунда, ногаа-биле каастаар. Оон-даа тулган амдан киирер дээр болза, хөй эвес горчица азы хренни немеп болур. Свекольникти соодукчуга 2 хонук шыгжап болур.
Чурукту интернеттен хоолгалаан.
“Шын” №26 2025 чылдың июль 10