Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

ШҮЛҮК КЫДЫРААЖЫНДАН

10 декабря 2023
38

Эштеривис уттундурбас!

База катап бажыңымда чанып келдим.
Алган эжим, ажы-төлүм чанымда бо...
Чарт, тода билип тур мен – дүш-түл дээрзин.
Чакпыыл октуң ыызы дөмей оттуруптар.

Курбустуже ужа берген эштеривис
Куу куш болуп, хуулуп алгаш ужуп келир.
Өжээтиниң ыткан огун эрттирбейн,
Өндүр күштүг сагыызын бооп камнап чорлар!

Эглип келбес орандыва чорупса-даа,
Эштеривис ады-сывы уттундурбас!
Октаргайда кылаңнашкан сылдыстар дег,
Оңун салбайн, маадырлар бооп мөңге артар!

Оңгу ишти кызаа черге оруп алгаш,
Ол-бо дижип, баштактанчып органывыс
Кажан-на ийик, эки хүнде дужуп келгеш,
Карак чажын төгүлдүр-ле сактыр боор бис!

Сактыышкынның сакпак аартыр үезинде
Саймааралдың изиг-халыын карак чажы
Сеткиливис, бодалывыс арыглазын —
Черде калган эштеривис дирлип келзин!

Карак чажы, карак чажы, карак чажы –
Хайыралыг эштеривис сактыышкыны.

Украина. 2022 чыл.

Байлак САТ.


* * *

Күскү дээрни дуруяалар кударадыр
Күзелдери бүтпээн ышкаш эдип эртти.
Байырлашкан дайынчылар чалгыннарын
Баарымны ажыңнадыр чайып эртти.

Кажыыдалды чүректерге шыгжадып кааш,
Карак четпес делгемнерже үнүптүлер.
Өглеринге мөңге адын арттырып кааш,
Өлүм турбас өртемчейже ужуптулар.

Дуруяалар дугаланып ырап-ырап,
Дуранымның хараалындан чиде берди.
Эштеримниң шырайлары чуруттунгаш,
Эдирерген булуттар бооп тарай берди.

Айдың, Чойган, Аяс, Чаян, Сайын-Белек,
Айдыс, Эдик, Артыш, Маадыр, Сайдаш, Яким...
Кааң дээрже харап алган, кыйгы салып,
Карактарым чажын чодуп үр-ле тур мен.

* * *

Ажыл-даа чок, акша-даа чок артып калгаш,
Ажыг сугну кударалдан улай пактап,
Азып-тенип, аштап-суксап чорувуста,
Ававыс-ла холун сунуп келир болгай.

Черивистиң, чуртувустуң адын бодааш,
Чеве! – дээштиң чергелештир халдап киргеш,
Ис чок чидип, өлүп-төнүп турувуста,
Иевис-ле бисти манап орар болгай.

Бажын салган маадырларның авалары,
Балыгланган эштеримниң иелери
Бөдүүн солдат мурнуңарга күдүк базып,
Бөргүн уштуп мөгейигни кылып олур.

Вадим ЧЫКАЙ.


“Шын” №94 2023 чылдың декабрь 9