Тываның Чазак Даргазының оралакчызы Уран-оол Ондар баштаан оргкомитет ай санаашкыны-биле Чаа чылды уткаан — Шагаа байырлалынга тураскааткан хемчеглер программазын бадылаан. Республика девискээринге 1200 ажыг хемчеглер болуп эртер. Информация-чырыдыышкынныг, социал-профилактиктиг, шажынчы, культурлуг болгаш спортчу хемчеглер ында кирген. Чурттакчы чоннуң шупту бөлүктеринге таарыштырган программа Шагаа байырлалының чаңчылдарын нептередиринче болгаш кадагалаарынче угланган.
Библиотекаларга делгелгелер:
«Шагаам чараш чаңчылдары» — хоорайның библиотекаларынга бүдүн февральда; «Аът чылын алгап йөрээл!» — К. Чуковский аттыг уруглар библиотеказынга февраль 1-ден 25-ке чедир; «Шагның чаазы – Шагаа-биле!» база чөөн чүк календары-биле 12 дириг амытан дугайында делгелге — А. Пушкин аттыг библиотекага февраль 2-ден 18-ке чедир.
Семинарлар база ужуражылгалар:
февраль 17 — «Амыргын-на, Шагаа-биле!» литературлуг-чурт-шинчилел шагы — А. Пушкин аттыг библиотека.
Онлайн-хемчег:
февраль 20 — Калмык Республика-биле «Шагаа байырлалының ужурлары» телекөвүрүг.
Шажынчы ёзулалдар:
Февраль 16, 18.00 шакта – «Сор ёзулалы”
«Ганден Чойпелинг» хүрээге (солагай талакы чарыкта);
«Дамба Брайбулинг» хүрээге (Фрунзе кудумчузу, 46-да);
«Даши Панделинг» хүрээге (Колхозная кудумчузу, 101-де);
«Цеченлинг» хүрээге (Щетинкин-Кравченко кудумчузу, 2-де);
«Тубтен Шедруб Линг» хүрээге (Московская кудумчузу, 72-де);
«Үстүү-Хүрээ» хүрээге (Чөөн-Хемчик кожуунда).
Февраль 17-18, 22.00 шактан 05.00 шакка чедир – дүнеки номналдар
«Ганден Чойпелинг» хүрээге (солагай талакы чарыкта);
«Дамба Брайбулинг» хүрээге (Фрунзе кудумчузу, 46-да);
«Даши Панделинг» хүрээге (Колхозная кудумчузу, 101-де);
«Цеченлинг» хүрээге (Щетинкин-Кравченко кудумчузу, 2-де);
«Тубтен Шедруб Линг» хүрээге (Московская кудумчузу, 72-де;
«Үстүү-Хүрээ» хүрээге (Чөөн-Хемчик кожуунда);
«Енисей» ХКБ (оң талакы эрикте, Набережная кудумчузу, 80-де);
Улусчу чогаадылга бажыңы (Щетинкин-Кравченко кудумчузу, 46).
Февраль 18, 06.00 шакта – «Саң салыр» сарыг шажын ёзулалы
«Ганден Чойпелинг» хүрээге (солагай талакы чарыкта);
«Дамба Брайбулинг» хүрээге (Фрунзе кудумчузу, 46-да);
«Даши Панделинг» хүрээге (Колхозная кудумчузу, 101-де);
«Цеченлинг» хүрээге (Щетинкин-Кравченко кудумчузу, 2-де);
«Тубтен Шедруб Линг» хүрээге (Московская кудумчузу, 72-де);
«Үстүү-Хүрээ» хүрээге (Чөөн-Хемчик кожуунда);
«Кадарчы» тураскаалының чанынга;
«Дөгээ» даанга.
Февраль 18, 06.00 шакта – «Шагаа саңы» хамнаашкын ёзулалы, национал паркка («Хүреш» стадионунуң артында Бии-Хем биле Каа-Хем хемниң белдиринге).
Февраль 18, 07.00 шакта – «Саң салыр» хамнаашкын ёзулалы (Чолукшулга), Дээди Кам эргелели (Шевченко кудумчузу, 227-де).
Культура-массалыг хемчеглер:
февраль 2-27 – «Шагаа–2026» культура-өөредиглиг хемчеглер, Аныяктар ордузу, Алдан-Маадыр аттыг национал музейниң «Алдын-Дошка» салбыры, «Тубтен Шедруб Линг» хүрээзи, Буддизм музейи;
февраль 9-16 – «Шагаа: байырлалдың ужур-чаңчылдары база ёзу-ужурлары» культурлуг программа, өөредилге черлеринге (уруглар садтары, школалары, ортумак, дээди өөредилге черлери);
февраль 11-17, 11.00 база 14.00 шактарда – «Шагааны дилеп» театржыткан көргүзүг, Тываның күрүнениң ойнаарактар театры;
февраль 13-14, 10.00-16.00 шакта – «Шагаа белээ» делгелге-ярмарка – Улусчу чогаадылга бажыңының фойези;
февраль 13, 12.00 шакта – «Аът чарыштырары» тыва оюн, «Эне-Сай» КБ (солагай талакы дачалар ниитилели);
февраль 13, 14.00 шакта – «Шагаа-биле! Курай-Курай!» деп үнүүшкүннүг оюн-көргүзүг, оң талакы дачалар ниитилели;
февраль 14, 12.00 шакта – «Шагаа-биле! Курай-Курай!» деп үнүүшкүннүг оюн-көргүзүг, Вавилин ээтпээ, СНТ № 13;
февраль 15, 12.00 шакта – «Ак чолдуг Шагаам!» деп шөлге хемчег, «Эне-Сай» КБ (солагай талакы дачалар ниитилели, 5-ки доктаам).
Программаларда: аас чогаалы, аът чарыжы, хүреш маргылдаазы, көдүрер-даш, хендир тыртары, оюннар:
февраль 16, 14.00 шакта – «Шагаа–2026» мастер-класс, Орус культураның уруглар төвү, Набережная кудумчузу, б. 80;
февраль 17, 13.00 шакта – «Ак чолдуг Шагаа» үнүүшкүннүг хемчег, Спутник мкр. (Убсунурская кудумчузу, 24);
февраль 17, 15.00 шакта – «Тоол кежээзи», Тыва культура төвү;
февраль 17, 16.00 шакта – «Чилиг кагар» (мунгаш чарар) ёзулал, Тыва культура төвү;
февраль 18, 09.00 шакта – «Чолукшулга» ёзулалы, Тыва культура төвү;
февраль 18, 11.00 шакта – Арат шөлүнге оюн-тоглаалар: «Тевек», «Аът шалбадаары», «Даш көдүрери», «Аргамчы тыртар», «Хендирбе сый шавары», «Шоодайбол».
Спортчу-массалыг хемчеглер:
февраль 14, 09.00 шакта – элээди оолдар, уруглар аразынга хөл-шыдыраага республика маргылдаазы, Аныяктар ордузу;
февраль 16, 14.00 шакта – муниципалдыг тургузуглар командаларының аразынга ТР-ниң Кубогу дээш тыва хүрешке «Хана ханага» маргылдаа, «Тиилелге» СКТ, Каа-Хем хоорайжыттынган суур;
февраль 17, 13.00 шакта – шыырак мөгелер ортузунга тыва хүрешке республика маргылдаазы, «Тиилелге» СКТ, Каа-Хем суур;
февраль 18, 10.00 шакта – «Тевек тевери» тыва оюнга республика маргылдаазы, Тыва культура төвү;
февраль 18, 10.00 шакта – ТШО хоочуннарының аразынга «Кажыкка аът чарыштырар» тыва оюнга республика маргылдаазы, Тыва культура төвү;
февраль 19, 10.00 шакта – «Хендирбе сый шаварынга» республика маргылдаазы, Тыва культура төвү;
февраль 21, 09.30 шакта – херээжен болгаш эр спортчулар аразынга «Тыва ча адар оюнга» республика маргылдаазы, Культура болгаш дыштанылганың национал парыгы;
февраль 21, 09.30 шакта – өөреникчилер ортузунга «Тыва ча адар оюнга» республика маргылдаазы, Культура болгаш дыштанылганың национал парыгы;
февраль 21, 10.00 шакта – оолдар болгаш элээдилер (2011-2020 ч.т.) ортузунга тыва хүрешке республика маргылдаазы, «Тиилелге» СКТ, Каа-Хем хоорайжыттынган суур;
февраль 21, 10.00 шакта – өөреникчилер ортузунга (2009-2018 ч.т.) тыва хүрешке «Хана ханага» республика маргылдаазы, «Тиилелге» СКТ, Каа-Хем хоорайжыттынган суур;
февраль 22, 14.00 шакта – хоочун мөгелер аразынга (45 хардан өрү) тыва хүрешке республика маргылдаазы, «Тиилелге» СКТ, Каа-Хем суур;
февраль 27, 09.00 шакта – херээжен болгаш эр спортчулар (2008 чылдан өрү) аразынга «Хөл-шыдыраага» республика маргылдаазы, Аныяктар ордузу.
/ ТР-ниң Чазааның парлалга албанының медээзи.
“Шын” №5 2026 чылдың февраль 12