Огородка эң-не бир дугаар быжар ногаа — огурец. Чаа бышкан, кыйыраар, «аныяк» ногааны дорт чалдан туруп чиирге, чаагай-ла. Оон янзы-бүрү чиик салаттар, окрошкалар кылып, болбаазырадып эгелээр. А шала дузаан огурецтерге шупту эң-не ынак.
Сөөлгү үеде огурецти пакетке дузаары «мода» апарган. Тускай технология-биле маринадтаары эң-не дүрген: эртенги шакта дузап кааш, дүъштеки чемде столга салып болур.
Пакетке шала дузаан чесноктуг огурецтиң эң-не бөдүүн аргазын 10 минута кылыр.
Херек чүүлдер:
1 кг огурец, 2–3 кезек чеснок, бир моондак укроп, 3 инек-караа бүрүзү (бар болза), 1 лавр бүрүзү, 5 борбак кара перец, 1 улуг шопулак дус, 1 улуг шопулак чигир.
Кылыры:
Огурецтерни соок сугга чуггаш, ийи уштарын кезип кааптар. Оон пакетче сугар. Чулуу төгүлбези-биле ийи каът пакет ажыглаза эки.
Укропту дооравайн, чула тыртып кааптар. Бичииледир доораан чеснок, инек-караа биле лавр бүрүлерин, борбак кара перецтерни шуптузун огурецче немээр. Дус биле чигирни кырынче бызааш, пакетти быжыдыр дуглааш, эки силгиир. Аргалыг болза, пакетти өттүр эки мажыыр.
Пакетте огурецтерни оңгар савага салгаш, 7–8 шак тургузар. Холодильникче сукпайн барып болур.
“Шын” №50 2024 чылдың июль 6
![](https://sun9-3.userapi.com/impg/-l1PFdOXmWcNhHdHQ2FZa-Md1s-Nz4-koeRvvw/CbSaaxILuZM.jpg?quality=95&as=32x21,48x32,72x48,108x72,160x107,240x160,360x240,480x320,540x360,600x400&sign=209ef5128b1de4352160b60ccfbebfd8&from=bu&u=18bzqyRgTkU4UCC_iwpFNaLC9PFeLOcBlEKlORkd9tU&cs=600x400)
![](https://sun9-59.userapi.com/impg/oW8XdpWdNTg74Zv_uWqws-dH7fAHzB9jhX3jEQ/MfGEvuIg27U.jpg?quality=95&as=32x21,48x32,72x48,108x72,160x107,240x160,360x240,480x320,540x360,600x400&sign=0098fbd1e5e4b36e7978da2b1542241d&from=bu&u=yDDHqM3sKGhid_WYFef0EPVHTXkV_KBai90DUzhBi0g&cs=600x400)