Бо чазын шериг баар оолдар болгаш оларныӊ ада-иелери сонуургап турар айтырыгларын телефон дамчыштыр салып болур. Тыва Республиканыӊ шериг комиссариаттарында «изиг шугум» телефону ажылдап эгелээн.
Часкы келдириишкин апрель 1-де эгелей берген. РФ-тиӊ Президентизи часкы шериг келдириишкининиӊ дугайында 220 дугаар Чарлыкка 2023 чылдыӊ март 30-де атты салган.
Ук Чарлык ёзугаар алырга, 2023 чылдыӊ апрель 1-ден июль 15-ке чедир 147 000 хамаатыны шериг албанынче келдиртир. Олар шупту – шериг курлавырында турбайн турар, шериг баар ужурлуг 18–27 хире назы-харлыг Россия Федерациязыныӊ хамаатылары.
Шериг албан-хүлээлгезин күүседиринче угландырган келдириишкин хемчеглерин эрттирер деп даалга берген. Россияныӊ Чазаа, РФ-тиӊ субъектилериниӊ күүсекчи эрге-чагырга органнары, келдириишкин комиссиялары Президентиниӊ даалгазын күүседип эгелей берген.
ТР-ниӊ Баштыӊыныӊ «Тыва Республикага 2021 чылдыӊ апрель–июльда шериг албанче 1996–2005 чылдарда төрүттүнген оолдарны келдирериниӊ дугайында» март 29-та үнген 169-РГ дугаарлыг Айтыышкыны-биле республиканыӊ, кожууннарныӊ, хоорай округтарыныӊ келдириишкин комиссияларыныӊ составын, шериг комиссияларыныӊ ажылдаар графигин, шериг чоруур оолдарга эмчи шинчилгезин чорудуп, эмнээшкин эрттирер медицина организацияларыныӊ даӊзызын бадылаан.
Сонуургап билип алыксаан айтырыгларын шериг чоруур оолдар-даа, ада-иелер-даа салып болур. Республиканыӊ шериг комиссариаттарында «ИЗИГ ШУГУМ» телефону понедельник – пятница хүннеринде 8:00 – 16:00 шактарда ажылдаар.
Харылзажыр телефоннары:
8 (394) 222-73-98 – Тыва Республиканыӊ Шериг комиссариады;
8 (394) 222-70-23 – Кызыл хоорайныӊ Шериг комиссариады;
8 (394) 229-13-10 – Кызыл кожуун болгаш Тере-Хөл кожууннуӊ девискээрин харыылаар Шериг комиссариады;
8 (394) 322-22-16 – Каа-Хем кожууннуӊ Шериг комиссариады;
8 (394) 352-12-19 – Бии-Хем кожууннуӊ Шериг комиссариады;
8 (394) 502-11-04 – Тожу кожууннуӊ Шериг комиссариады;
8 (394) 372-12-47 – Таӊды кожууннуӊ Шериг комиссариады;
8 (394) 382-12-13 – Тес-Хем кожууннуӊ Шериг комиссариады;
8 (394) 392-22-58 – Эрзин кожууннуӊ Шериг комиссариады;
8 (394) 362-18-82 – Улуг-Хем, Чаа-Хөл кожууннарныӊ Шериг комиссариады;
8 (394) 342-13-83 – Чөөн-Хемчик, Сүт-Хөл кожууннарныӊ Шериг комиссариады;
8 (394) 412-11-33 – Барыын-Хемчик, Бай-Тайга кожууннарныӊ Шериг комиссариады;
8 (394) 512-24-94 – Мөӊгүн-Тайга, Өвүр кожууннарныӊ Шериг комиссариады.
Тываныӊ шериг комиссариаттарыныӊ почта адрезин, телефоннарыныӊ долу даӊзызын Тыва Республиканыӊ Шериг комиссариадыныӊ сайтызындан көөр: httpc//rtyva.ru/content/2749/45733/.
/ ТР-ниӊ Шериг комиссариады.
"Шын" №27 2023 чылдың апрель 15
Шериг комиссариады харыылап бээр
16 апреля 2023
62