Мобилизастаан шериглерниӊ өг-бүлезинге боттуг ачы-дуза дугайында Тываныӊ Баштыӊыныӊ Владислав Ховалыг социал четкиде блогунга бижээн:
«Мобилизастаан шериглерниӊ өг-бүлезинге чуртталга-коммунал хандырылгалары дээш 10 муӊ рубль төлевирни бээриниӊ чурумун Тываныӊ Чазак хуралынга бөгүн бадыладым.
Чер бажыӊнарда чурттап турар улуска хөмүр-даш, ыяш дүжүрүп бээр. Хоорайныӊ хөй квартиралыг бажыӊнарында чурттап турар кижилер дугайында айтырыгныӊ тургустунуп келгени чөптүг. Ноябрь айда республиканыӊ чурттакчылары-биле дорт эфирниӊ шугумунга шак ындыг дилеглер кээп турган.
Өг-бүлелерниӊ даӊзызы Тываныӊ Күш-ажыл болгаш социал политика яамызында бар. Республиканыӊ каттышкан штавы-биле ук ведомство кады өг-бүле бүрүзүнге боттуг дузаны чедирерин дагзып каан мен»
Р.Демчик белеткээн.
Шериглерниӊ өг-бүлезинге – 10 муӊ рубль төлевир
21 декабря 2022
61