Чедир кылбайн турар ажылдарга хамаарыштыр дыӊнадыышкыннарны «Кады шиитпирлээр бис» күрүнениӊ ачы-дуза чедирар хандырылгазында (Госуслуги), Вайберде «Тываныӊ Баштыӊыныӊ онлайн хүлээп алыышкынынче» чорудуп болур.
Ылаӊгыя кожууннарда ажыл-агыйны шиитпирлевейн туруп бээр болза, Тываныӊ Баштыӊыныӊ онлайн хүлээп алыышкынынче долгааш, дыӊнадып болур дээрзин Регион башкарар төптүӊ (ЦУР) специалистери тайылбырлап турар.
«Хар эрий бээрге, бокту аштаар бис дээш, ол ояар ам-даа аштаваан» деп хомудалын Барыын-Хемчиктиӊ Кызыл-Мажалык суурунуӊ чурттакчызы чугаалаан. Төптүӊ специалистери ылавылап айтырып көөрге, өскүс болгаш ада-иезиниӊ хайгааралы чок арткан уругларга бажыӊнарны тудуп кылгаш, бокту арттырып калган болган. Кожууннуӊ чагыргазы час дүжүп, агаар чылый бээрге, бокту аштаар деп аазаан.
Дыӊнадыышкынны Регион башкарар төптүӊ (ЦУР) специалистери демдеглеп алгаш, ол бокту аштап арыглап, айтырыгны шиитпирлезин дээш чогуур албан черинге дамчыдып берген.Чайны чайладыр чыдып келген бокту чүгле ооӊ соонда, аштап каан.
«Госуслуги. решаем вместе», Viber-чат «Онлайн-приемная Главы Тувы» таварыштыр дыӊнадыышкыннарны чорудуп болур.
Р.Демчик.