1967 чылда төрүттүнген болгаш оон аныяк назы-харлыг ажылдап турар хамаатыларның, күрүнениң акшаландырыышкын киржилгези-биле пенсияның чыылда кезии программаның киржикчилериниң, ие капитал акшазын пенсияның чыылда кезиинче шилчиткеннерниң акша-биле пенсия чыылдазының кезии тургустунуп турарын Россияның Социал фондузунуң Тыва Республика талазы-биле салбыры сагындырып турар. 1953–1966 чылдарда төрүттүнген эр кижилер, 1957–1966 чылдарда төрүттүнген херээжен кижилер ажылдап турар болза, пенсияның чыылда кезиин 2002–2004 чылдарда оларның пенсиязының чыылда кезиин албан-биле тургузуп турган.
Тываның чурттакчылары оларның пенсиязының чыылда кезиин кайы камгаладылга фондузу (Россияның Социал фондузу азы Күрүнении эвес пенсия фондузу) башкарып турарын хууда агар санының байдалының дугайында ушта бижидилгени Күрүнениң ачы-дуза порталы дамчыштыр чагыдып алгаш, билип ап болур. Пенсиязының чыылда кезиин башкарып турар Камгалал фондузу-биле дугуржулганың хуусаазын база ында айтып каан болур.
Пенсиязының чыылда кезиин башкарар Камгалал фондузун шилип алган хамаатылар боттарының шиитпирин өскертип, дугуржулга чарып алганы фондудан өске фондуже шилчиир азы ойталаар дугайында билдириишкинни Россияның Социал фондузунуң Тыва Республика талазы-биле салбырынче бо чылдың декабрь 31-ге чедир киирип болур. Бир эвес ындыг билдириишкин чок болза, пенсиязының чыылда кезииниң акшазын шилчидерин мурнунда киирген билдириишкинни барымдаалап хүлээп алыр.
Бодунуң пенсиязының чыылда кезиин амгы Камгалал фондузунга 2015–2020 чылдарда тургузуп эгелээн хамаатылар өске Камгалал фондузунга инвестиция орулгаларынга чидириг чокка 2024 чылда солуп ап болур.
Россияның Социал фондузундан Күрүнении эвес пенсия фондузунче шилчээн азы Күрүнении эвес пенсия фондузундан өске Күрүнении эвес пенсия фондузунче шилчээн таварылгада, шилип алганы Күрүнении эвес пенсия фондузу-биле керээни чарар, ооң соонда ол керээни Россияның Социал фондузунга көргүзүп, өске Күрүнении эвес пенсия фондузунче шилчээн дугайында билдириишкинни бижиир. Ол бүгүнү 2024 чылдың декабрь 1-ге чедир кылыр. Бо хуусаа соонда киирген билдириишкинни 2025 чылда сайгарып көөр, өске Камгалал фондуже шилчиири 2026 чылда.
Пенсияның чыылда кезииниң башкарылгазының дугайында тайылбырны Россияның Социал фондузунуң Тыва Республика талазы-биле салбырындан ап болур. Телефон дугаары: 8-800-200-05-43. Долгаары халас.
Бистиң корр.
“Шын” №86 2024 чылдың ноябрь 9