Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
09 августа, вт

Школачыларның күрүне түңнел аттестациязының баш бурунгаар түңнелдерин үндүрген.

26 июля 2022
2

ТР-ниң Өөредилге яамызы школачыларның күрүнениң түңнел аттестациязының баш бурунгаар көргүзүглерин дыңнаткан. Дыңнадыгдан алырга, бо чылын ниитилел билиглери, төөгү, физика база ханы угланыышкынныг математикада ортумак тест баллдары улгаткан болган. Школачылар эрткен чылга деңнээрге, эки билиглерин көргүскен. Литература, география, биология, химия, информатика база орус дыл эртемнеринде ортумак көргүзүглер баткан.

2034 доозукчу орус дылга чогуур баллды алган болза, 42 кижи ону ажып шыдаваан. А математиканы 1416 өөреникчи кылыпкан болза, 86 кижи эртпейн барган.

Ханы угланыышкынныг математика шылгалдазында 538 кижи эки демдектерни алган болза, 32 кижиниң баллы четпейн барган.

Шупту доозукчулардан 136 кижи азы 6,4 хуузу ЕГЭ-ниң түңнелдери-биле амдыызында аттестат чок арткан.

Республиканың 17 өөредилге организацияларындан бо чылдың 106 доозукчузу шупту эртемнерниң ЕГЭ-зинде 90-дан 100 баллдарны алган. 38 оолдар, кыстар 80-ден өрү баллдарны ап, “бедик баллдыг” деп категорияже кирген.

11 класстың 58 доозукчузу “Өөредилгеде онза чедиишкиннери дээш” деп медальче кордап турганнар. Ындыг-даа болза ЕГЭ-ниң түңнели-биле чүгле дөрт кижи: Кызыл хоорайның 12 дугаар школазының өөреникчизи Айдың Ооржак, 15 дугаар школаның өөреникчизи Анастасия Старикова, Тываның республиканың лицей-интернадының өөреникчизи Монгун-Очур Хомушку база Кызылдың Президентиниң кадет училищезиниң доозукчузу Булат Маннык ол шаңналды алган.

2022 чылдың школачылар аразында эң нептереңгей эртем – ниитилел билиглери болган. Ону ЕГЭ дужаар шупту доозукчуларның 52,5 хуузу (1 110 кижи) шилип алган. Эрткен чылын ол сан-көргүзүг оон-даа хөй турган (11,9 хууга). Дыка хөй дээди өөредилге черлери ол эртемге ЕГЭ түңнелдерин көөрү-биле ол тайылбырлаттынар деп Өөредилге яамызы дыңнаткан.

Техниктиг угланыышкынга өөренип кирер деп турарларга эң херек эртем – профильдиг математика. Ынчангаш доозукчуларның 32,4 хуузу азы 685 кижи ону шилип алган. Үш дугаар нептереңгей эртем – биология (31,8 хуузу азы 672 доозукчу). Дараазында – химия (585 кижи азы 27,6 хуузу). Тываның школачыларының бойдус-эртем база эмчи мергежилдерге сонуургалы улгатканы-биле физика биле химия нептереңгей апарган деп шинчилелдер үндүрген.

Физиканы 367 кижи дужааган, эрткен чылга деңнээрге, 9 хуу эвээш. Колдуунда инженер мергежилдерже дужаап кирер деп турар оолдар физиканы шилип турарын специалистер тайылбырлаан. Ооң мурнунда IT-биле харылзаалыг программаларже кирерде, физика херек турган болза, ам ону информатика-биле солаан. Ынчангаш бо чылын 310 доозукчу (14,7 хуузу) информатика биле ИКТ-ны шилип алган, эрткен чылдан 10,3 хуу хөй.

Бо чылын тоску класстың 5667 доозукчузундан 10 кижини шылгалдаларже эрттирбээн. А шылгалда дужааган өөреникчилерниң 17 хуузу азы 983 кижи аттестат албаан.

ТР-ниң Чазааның парлалга албаны.