Тывада ыяап-ла эмчи камгаладылгазының девискээр талазы-биле фондузунуң ажылдакчылары “Шупту чүвени тиилелгеге” деп акцияга катчып, боттарының мурнундан өлге өтпес материалдан даарааш, теве дүгү-биле чылыглаан 7 удуур хапты дамчыдып берген.
“Удавас соок кыш келир болгай. Донбасста шериглер бичии чай, хос аразында удуп –дыштанырынга чылыг, эптиг болзун дээш ” –деп, Фондунуң директору Анай-оол Вера чугаалаан.
Фондунуң төлээлери албан-биле -20 градусту шыдаптар, чылыг удуур хаптарны дилеп тургаш, Моолдан тып алганын чугаалаан.Ол хаптарны чадыптарга чоорган база апаары эптиг. Теве дүгү сооктан-даа, хаттан-даа камгалаар, чылыг.
Сагындырып каар чүүл, нацистер-биле демиселди дүрген доозарынга кижи бүрүзү шак мынчалдыр-даа болза дузазын кадып болур. Допчузу-биле pobeda.onf.ru деп сайтыда Луганск, Донецскиде шериглер болгаш тайбың чурттакчыларга чугула херек чүүлдерниң даңзызын айтып каан.
Бир эвес, бичии-даа болза дуза кадыксаар болзуңарза, дараазында адреске чеде берип болур:
Кызыл хоорай
Кочетов кудумчузу, 30
Тел: (83942) 22-10-50.
“Улусчу фронт”
#Всёдляпобеды
