Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Шуурганныг Шуурмакка Шагаалааны

5 апреля 2024
6

Шуурмак сумузунуң чону республиканың хоорай, суурлары-биле бир дөмей, Шагаавысты кончуг эки тыва ёзу-чаңчылдарны сагып, оюн-тоглаалыг эрги Кодан чылын үдеп, Улу чылын улуг сорулгаларлыг уткуп алдывыс.


Шагаа бүдүүзүнде, үш-ле хонук арткан турда, хуралдааш, оюн-тоглаа эрттирер акша-көпеекти чоннуң идепкейи-биле четчир кылдыр чыып четтигипкен бис. Түңнелинде, 19 хевирниң спортчу болгаш оюн-тоглаалыг мөөрейлерин деткикчилер-биле кады бедик деңнелге эрттирдивис.

Шагаа уткуп тура, дараазында мөөрейлерни организастаан: шыдыраа, даалы, панчык, тевек, кажык, бардамнаары, шай аартаары, хендирбе сый шавары, кудумчулар аразынга чем делгелгези, тыва шай байыры, даш көдүрери, улуг-бичии улус хүрежи, «Тыва дылым – мээң чепсээм» деп темага аас чогаалы: дүрген чугаа, тывызык, узун тыныш, ыры, «Кырган-авам аптаразы» деп тыва идик-хеп мөөрейи.

Мөөрейлерге тергиидээн киржикчилерни медальдар, грамоталар болгаш акша шаңналдары-биле шаңнаан. Үе-шаг берге-даа болза, деткикчилер бары өөрүнчүг-дүр. Олар кымнарыл дээрге: «Тайга», «Эзир уя», «Намсарай» садыглары, Чойган Анатольевич Ооржак, Игорь Вячеславович Севээн-оол, Буян Борисович Сат, Елена Сатовна Соян, Ш.М. Биче-оол, Айдыс Левенчукович Бырынай, Чиңгис Одекеевич Чөмбүрүк, ном саңының, школаның, клубтуң, уруглар садының коллективтери, Херээженнер, Хоочуннар, Аныяктар чөвүлелдери, тус черниң депутаттары дээш оон-даа хөй деткикчилер киржир күзелдиг турган.

Шагаа байырлалының оюн-тоглаазынга, мөөрейлеринге сумунуң чону идепкейлиг киришкен. Оларның аразында эң-не идепкейжилер Анита Баировна, Владимир Марчын, Марсель Сииликей, Т.-Б.С. Матпааргы, Юлиан Дамба, Адыгжы Сандак, Мерген, Начын Намдарактар, Вера Оюн, Урана Тулуш, Галина Воробьева, Сендажы Дегелдеевна, Хопуй-Хаа, Владик Чүдекпен, Самбуу Дупчур дээш оон-даа өскелер.

Эргим чаңгыс чер чурттугларывыс, силерниң идепкейиңер, тура-сорууңар дээш өөрүп четтиргенивисти илеретпишаан, ам-даа байырлалдарга, янзы-бүрү хемчеглерге идепкейлиг киржип, каткы-хөгнү диңмиредиили. Ылаңгыя сумунуң эр чону «Өг-бүлезиниң баштыңы» деп чүүлдү ылап көргүзүп, хей-аъттыг болуруңарны күзеп, идегеп арттывыс.
Хоочуннар чөвүлелиниң даргазы Анита Баировна Акаа база Адалар чөвүлелиниң казначейи Владимир Вячеславович Марчын оюн-тоглаа эрттирген чарыгдалдарының отчёдун бергени өөрүнчүг. Чөвүлелдер үргүлчү ындыг болурун чонга бадыткап тур бис.

Даржай УШТУЛАҢ, Адалар чөвүлелиниң удуртукчузу.


«Шын» №25 2024 чылдың апрель 3