Шылгалданы чүгле эки түңнелдиг дужаап алыр мен деп боданып алгаш, шылгалдаже кирер;
Эки түңнелди чедип алыр аргаларның базым бүрүзүн бодап алыр;
Шылгалда дужаарында шаптараазын азы бир-ле анчыг чүве туруп келзе канчаар мен дээн чижектиг дүвүрээзинниг бодалдардан адырлып, ажырбас, шыдаар мен деп боданып алыр.
Бо шылгалданы эртип алганының түңнелинде чүнү чедип алырыңарны бодап, келир үеде тускай эртемниг специалист болур мен деп бүзүрелин оскунмас.
Шылгалдага белеткенип тургаш, шын хүн чурумун сагыыр. Программаны эки шиңгээдип алыр деп бодаар болза, бир хүнде хөй эвес материалды сайгарып, айтырыгларны ылавылап тургаш өөренир болза эки. Хары угда хөй материал, темалар өөренирге берге, ооң чүгле чартык-чамдыызы башка артып калыр.
Шылгалдага белеткенир үеңерни бодуңарга эптиг, тааржыр шактарда– эртенден дүъшке чедир, азы дүъштен кежээге чедир белеткенгеш, уйгузун хандыр удуп, дыштаныр хүн чурумун тургузуп алыр болза эки.
Бир эвес бергедеп, девидеп эгелезиңерзе, психологтуң дузазын дилеп алырындан ойталавас болза эки.
Чок-ла болза бодуңар тускай тренинг мергежилдерни ажыглап өөренип алыр. Ону кылырда бодунуң күштүг талаларынга даянып алгаш кылыр.
Чурукту интернеттен алган.
«Шын» №41 2024 чылдың июнь 5
![](https://sun9-79.userapi.com/impg/iCc8e8j041ey8hdP0nVeybMmWSSQwbMGA7PI6Q/Od9qzzJ88C4.jpg?size=807x538&quality=95&sign=a5895347df3f5b90d153e8e195a19803&c_uniq_tag=JgMT4oMlGg7BmZCiWUTPXK9-1_ElAguwZ4OCEp-zCmM&type=album)