ЧОННУҢ ЧАҢГЫС ДЕМИНИҢ ХҮНҮ-БИЛЕ
Россия Федерациязының болгаш Тыва Республиканың хөгжүлдезинге боттарының көскү үлүүн киирген, экономика, медицина, культура дээш өске-даа адырларга шылгарааннарга бедик шаңналдарны тыпсырының байырлыг ёзулалы дүүн, ноябрь 3-те, Чоннуң чаңгыс деминиң хүнүнүң бүдүүзүнде ТР-ниң Чазааның бажыңынга болуп эрткен.
Күрүне шаңналдарын тыпсырының мурнунда Тываның Баштыңы Владислав Ховалыг боттарының шудургу ажыл-ижи-биле шылгараан, бедик үнелелге төлептиг болганнарга Чоннуң чаңгыс деминиң хүнү-биле байыр чедирип, чогум-на олар Россияның болгаш Тываның бурунгаарлаанының шимчедикчилери, бүгү-ле чедиишкиннерниң үндезинин тургузуп келген кижилер деп демдеглээн.
Кадык камгалал адырын сайзырадырынга киирген улуг үлүг-хуузу болгаш хөй чылдар дургузунда кызымак ак сеткилдиг ажылы дээш Тыва Республиканың кадык камгалалының “Өвүр кожууннуң төп эмнелгези” күрүнениң бюджет албан чериниң профпатолог эмчизи Валерий Николаевич Кууларга Россия Федерациязының кадык камгалалының алдарлыг ажылдакчы атты, көдээ ажыл-агыйны сайзырадырынга киирген улуг үлүг-хуузу болгаш хөй чылдар дургузунда кызымак ак сеткилдиг ажылы дээш Мөңгүн-Тайга кожуунда “Аржаан” арат-фермер ажыл-агыйның баштыңы Дарья Хунан-Караевна Чүлдүм-оолга Россия Федерациязының көдээ ажыл-агыйының алдарлыг ажылдакчызы атты Россия Федерациязының Президентизиниң Чарлыы-биле тывыскан.
Саң-хөө ажыл-херээн сайзырадырынга киирген үлүү, бедик чедиишкиннери дээш Россия Федерациязының Саң-хөө яамызының 220 чылы-биле холбаштыр “Россия Федерациязының саң-хөө органнарының хоочуну” хөрек демдектери-биле саң-хөө органнарының хоочуннары Нина Тоюновна Салчакты, Сергей Томурович Чарбууну шаңнаан.
Россияның чоннарының Культура өнчүзүнүң чылын белеткээринге болгаш эрттиреринге киирген үлүү дээш Россия Федерациязының культура сайыдының Өөрүп четтириишкин бижиин “Республиканың улусчу чогаадылга болгаш дыштанылга төвү” күрүнениң бюджет албан чериниң директору Елена Николаевна Ондарга тывыскан.
Бедик түңнелдерлиг ажылы дээш Тыва Республиканың Баштыңының Өөрүп четтириишкин бижиин “Кызыл хоорайның өг-бүлелерге болгаш ажы-төлге социал дуза төвү” күрүнениң бюджет албан чериниң социал-медицина салбырының эргелекчизи Маргарита Николаевна Смагинага, РФ-тиң Тыва Республика талазы-биле иштики херектер эргелелиниң Кызыл хоорай талазы-биле назы четпээннер-биле ажыл бөлүүнүң улуг инспектору, полицияның майору Майоров Сергеевич Седипке, “Жилищно-эксплуатационный участок-2” ниитилелдиң электри-газ-биле каңнакчызы Виктор Кууш-оолович Чамыянга тывыскан.
Тыва Республиканың Баштыңының Хүндүлел бижии-биле чурукчу, күш-ажылдың хоочуну Оюн-оол Доктугу оглу Сат, Ак-Довурак хоорайда “Башкарыкчы компания ТЭК” күрүнениң унитарлыг бүдүрүлгезиниң одалга чериниң ээлчег начальниги Светлана Робертовна Кулешова шаңнатканнар.
Кадык камгалал адырын сайзырадырынга киирген улуг үлүг-хуузу болгаш хөй чылдар дургузунда кызымак ак сеткилдиг ажылы дээш Тыва Республиканың кадык камгалалының алдарлыг ажылдакчызы атты “Кызылдың экономика болгаш хереглекчилер кооперациязының техникуму” коммерциялыг эвес автономнуг өөредилге чериниң фельдшери Екатерина Кыргысовна Сарыг-оолга тывыскан.
Өзүп орар салгалдың күш-культура кижизидилгезинге улуг үлүү, профессионал ажылынга чедиишкиннери дээш Тыва Республиканың алдарлыг тренери атты Тыва Республиканың “Спортчу школа “Тыва” немелде өөредилгениң күрүнениң бюджет албан чериниң тыва хүреш тренери Кайгал-оол Дүктүг-кысович Доңгакка тывыскан.
Кадык камгалал адырын сайзырадырынга киирген улуг үлүг-хуузу болгаш хөй чылдар дургузунда кызымак ак сеткилдиг ажылы дээш Тыва Республиканың кадык камгалалының “Республиканың консультатив-диагностиктиг төвү” күрүнениң бюджет албан чериниң колопроктолог эмчизи Семён Седипович Күжүгетке Тыва Республиканың алдарлыг эмчизи атты тывыскан.
Тыва Республиканың өөредилгезиниң алдарлыг ажылдакчызы атты Улуг-Хем кожууннуң Хайыракан ниити билиг школазының математика башкызы Лидия Хирлий- ооловна Топчага тывыскан.
Тыва Республиканың алдарлыг юризи атты Кызыл хоорайның 1 дугаар суд участогунуң эптештирилге судьязы Роман Чалыгбаевич Инмииге тывыскан.
Тыва Республиканың культуразының хөгжүлдезинге киирген улуг үлүү, хөй чылдарда үре-түңнелдиг чогаадыкчы ажылы дээш Тыва Республиканың уран чүүлүнүң алдарлыг ажылдакчызы атты Кызыл кожууннуң “Кара-Хаак суурда бичии уругларның уран чүүл школазы” муниципалдыг бюджет немелде өөредилге албан чериниң үрер хөгжүм башкызы Буян-Маадыр Ирбен-оолович Түлүшке тывыскан.
Тыва Республиканың улустуң артизи атты Тываның күрүне филармониязының директору Борбак-оол Допчааевич Салчакка, Тыва Республиканың улустуң хөөмейжизи атты Тыва культура төвүнүң “Тыва” ансамблиниң уран чүүл удуртукчузу Эдуард Валерьевич Дамдынга тывыскан.
Тыва Республиканың алдарлыг экономизи атты саң-хөө органнарының хоочуну Кошкар-оол Доржуевич Ондар, Тыва Республиканың чөвүлекчизи Александр Доңгакович Бегзи оларга тывыскан.
«Тыва Республиканың мурнунга ачы-хавыяазы дээш» Тыва Республиканың медалы-биле “Россияның чурукчулар эвилели” “Тыва Республиканың чурукчулар эвилели” бүгү-российжи чогаадыкчы хөй-ниити организацияның Тыва регион салбырының чурукчу графиги Тимофей Кузьмич Огневке, “Немелде өөредилгени сайзырадырының республика төвү” күрүнениң бюджет өөредилге албан чериниң башкызы Алексей Салчакович Кагай-оолга, суд приставтарының Федералдыг албанының Тыва Республика талазы-биле эргелелиниң тускай даалгалыг килдизиниң улуг суд приставы, улуг лейтенант Батый Юрьевич Хертекке тывыскан.
Тываның Баштыңы бедик шаңналдарга төлептиг болганнарга база катап байырны чедирип, ажыл-херектерге чедиишкиннерни күзээн.
Ш. ЛОПСАН.
Буян ООРЖАКТЫҢ тырттырган чуруктары.
“Шын” №84 2023 чылдың ноябрь 4
