Сөөлгү үеде диета сагып, шын чемненилге суртаалдап чоруур улус көвүдээн. Кадыкшылының байдалы-биле азы дурт-сыны, мага-боду чараш болзун дээш, кылып чиир чеминиң хоолузун, белок, үс, углеводтарын санап, сагып чоруур улуска дараазында чаагай чемнерни сүмелээр-дир бис.
Кат-чимистиг эртенги чем
2 кижиге КБҮУ – 525/24/16/76
Банан
Чуурга
40 грамм сула (овсянка)
1 шопулак ишти чиа үрезини
100 грамм доңуруп каан малина
120 грамм грек йогурт
Тоорук аймаа (күзели-биле).
Чалбак шаажаң тавакка 1 бананны серээ-биле чуура иткилепкеш, оңгар шил тавакче салгаш, кырынче бир чиг чуурганы, 40 грамм сула крупазын (овсянканы) холуй былгапкаш, микроволновкаже 2 хире минута иштинде супкаш, кырынче 100 грамм малинаны, шопулак ишти чиа үрезинин болгаш өске-даа тоорук аймаан холупкаш, 120 грамм грек йогурт-биле былгап алыр. Бо чиик чемде кирип турар хром деп химиктиг бүдүмел кижиниң чигирзиг чем чиксээрин чавырылдырар.
Тодуг чем
КБҮУ – 320/25/18/15
2-3 чуурга
5-6 черри деп помидор
40-50 грамм чиик быштак (моцарелла, сулугуни азы фета)
Амдан киирери-биле хөй эвес ногаан боондак (петрушка, укроп азы шпинат)
Дус, хоюг кара перец (бодунуу-биле салып алыр)
1 тортилья азы чиңге лаваш
Быжырарынга хөй эвес олива үзү
Оңгар саваже 3 чиг чуурганы куткаш, ооң кырынче 5-6 черрини, ногаан боондакты доорааш, бичеледир хээп азы дүрбүп каан быштакты ургаш, дус, перецти салыпкаш, холуштур былгаар. Изидип каан сковородага хөй эвес олива үзүн куткаш, холуксааны быжырар. Болуп чорда, ооң кырынче тортилья азы чиңге лавашты дуглай салыпкаш, бир талазын кырынче сыга идипкеш, тавакче эзип алыр. Артык килдер октап, арып алыр күзелдиг улуска тодуг чем болур.
Каът салат
Чаңгыс кижиге:
1 дүрбүп каан огурец
Хайындырып каан дагаа хөрээниң эъди
Картын ап каапкан 1 помидор
2 чуурга
1 шопулак ишти олива үзү
1 омааш ишти лимон чулуу
Дус, перец (бодунуу-биле салыр)
Ногаан үнүштер (укроп, көк-кулча, петрушка)
Шуптузун доорап, дүрбүп алыр.
Бирги каъды – дагаа эъди
Ийиги каъды – чуурганың чүгле ак кезээ
Үшкү каъды – помидор
Дөрткү каъды – чуурганың сарыг кезээ
Бешки каъды – укроп, көк-кулча
Алдыгы каъды – огурец
Чедиги каъды – чуурганың ак кезээ.
Огурец биле помидор каъттарының кырынче лимон чулуун болгаш олива үзүн дамдыладыр. Кырын петрушка бүрүлери-биле каастап ап болур.
“Шын” №50 2025 чылдың декабрь 25