Республикада «Социал хөмүр» губернатор төлевилелдиң чорудуу-биле хөй ажы-төлдүг болгаш амыдыралы чегей өг-бүлелерге халас оттулар чүүл үлээр ажыл дооступ турар. ТР-ниң Күш-ажыл болгаш социал политика яамызының дыңнадып турары-биле алырга, халас хөмүр-даш болгаш ыяш алыр өг-бүлелерниң улуг кезии оттулар чүүлдү алган.
Ниитизи-биле социал деткимчени 2726 өг-бүле алган. Оларга 5885,88 тонна хөмүр-даш болгаш 359 куб метр ыяшты дүжүрүп берген. Республиканың 19 муниципалдыг тургузугларының 16-га оттулар чүүлдү бүрүнү-биле дүжүрген:
- Тере-Хөл кожуунга — 27 өг-бүлеге;
- Тожу кожуунга — 48 өг-бүлеге;
- Ак-Довурак хоорайга— 55 өг-бүлеге;
- Бии-Хем кожуунга — 99 өг-бүлеге;
- Сүт-Хөл кожуунга — 104 өг-бүлеге;
- Тес-Хем кожуунга — 106 өг-бүлеге;
- Каа-Хем кожуунга — 129 өг-бүлеге;
- Барыын-Хемчик кожуунга— 140 өг-бүлеге;
- Өвүр кожуунга — 144 өг-бүлеге;
- Улуг-Хем кожуунга — 205 өг-бүлеге;
- Чөөн-Хемчик кожуунга — 364 өг-бүлеге;
- Кызыл кожуунга — 409 өг-бүлеге.
Арткан үш муниципалдыг тургузуглар: Тожу, Таңды кожууннар болгаш Кызыл хоорайга хөмүр-даш болгаш ыяшты бо айның төнчүзүнге чедир дүжүрерин планнап турар.
«Социал хөмүр» губернатор төлевилелиниң киржикчилеринге 2 тонна хөмүр-даш, 4,8 куб метр ыяш дүжүрери көрдүнген.
Бистиң корр.
