«Социал хөмүр-даш» төлевилелиниң деткимчезин алыр улустуң саны 2025 чылда оранчок көвүдээн. Ооң мурнунда чүгле хөй ажы-төлдүг өг-бүлелер ук деткимчени ап турган болза, бо чылын оларга ТШО-нуң өг-бүлелери база немешкен. Оларның санынче чоок кижизин дайын шөлүнге чидирген, ис чок читкен шериглер болгаш бертик-межел арткан хоочуннар кирип турар.
Хөмүр-дашты сентябрь айдан эгелеп даңзы ёзугаар бажыңнарында чедирип берип эгелээн. Өг-бүле бүрүзүнге 2,145 тонна хөмүр-даш онаажыр. Тожунуң болгаш Тере-Хөлдүң чурттакчыларынга 4,8 куб оттулар ыяшты чедирип берип турар.
Күрүнениң деткимчезин алыры-биле, февраль-март айларда тус черлерде социал төпке баргаш, билдириишкин бижээш, ада-иезиниң болгаш 14 хардан өрү назылыг уругларның паспорттарының, назы четпээннерниң төрүттүнген дугайында херечилелдериниң, кижи бүрүзүнүң СНИЛС хоолгаларын, чурттап олурар оран-савазының документизин, сөөлгү үш шалыңының справказын хоолгалааш дужаар.
Айдың ОНДАР белеткээн.
Чурукту интернеттен хоолгалаан.
«Шын» №39 2025 чылдың октябрь 9