Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Социал керээ – күрүнениӊ ачы-буянныг дузазы

24 ноября 2023
31

Тывага үш чыл дургузунда социал керээлерге 1,8 млрд рубльду берген.

Россияныӊ хамаатыларыныӊ болгаш өг-бүлелерниӊ амыдырал-чуртталгазын экижидер, сайзырадыр сорулга-биле 2020 чылдан тура социал керээлерни чарып эгелээн.

Тыва Республикага амгы үеге чедир 14,3 муӊ социал керээлерни чарып, дөрт улганыышкын-биле күрүнениӊ дөмек-дузазын көргүскен.

Улустуӊ ажыл тып алырынга, хуу сайгарлыкчы азы бот хандырылгалыг ажылды эгелеп алырынга, хуу дузалал ажыл-агыйын чорударынга, амыдыралыныӊ берге байдалын ажып эртеринге дуза чедирген. Шак ындыг ачы-буянныг сорулгаларны боттандырарынга 1,8 млрд рубльду угландырган.

2020 чылдан тура социал керээ-биле хаара туткан улусту, оларныӊ өг-бүле кежигүннери-биле катай санаарга, 50,8 муӊ кижи болган.

Көдээ суурларныӊ 278 чурттакчызы хуу ажыл-херээн эгелеп алган. Чижээ, 70 пилорама, сүт болбаазырадыр, бышкак кылыр бүдүрүлгениӊ 14 цеги, алгы-кеш эттээр 9 бичии цех, эът аймаандан аъш-чем бүдүрер 40 цех ажылдап турар. Ооӊ аӊгыда, республиканыӊ улуг-биче суурларында идик-хеп аймаа дараар, идик септеп кылыр, техниктиг эт-херексел сетпээр мастерскаялар, химчистка болгаш хем чуур, хлеб быжырар чер, фотостудия дээш чоннуӊ амыдырал хандырылгазынга ажыктыг өске-даа черлерни ажыткан.

Бир эвес амыдыраар акша-хөреӊгизи республикада доктаадып каан хемчээлге четпейн турар болза, социал керээ чарып алыры-биле киир бижидилгезиниӊ аайы-биле кожуунунуӊ Чонну ажылга хаара тудар төвүнге баарын сүмелеп турар.

Социал керээ өг-бүлениӊ амыдыралынга дөмек-дуза болурундан аӊгыда, республиканыӊ суурларын сайзырадып хөгжүдеринге улуг идигни берип чоруур.

Р. Демчик.