Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Төрээн чериниң ыраажызы

20 января 2025
10

2024 чыл адакталып турда, декабрь 24-те Ак-Туругнуң М.К. Өлчей-оол аттыг чаарттынган ном саңынга Тыва Республиканың алдарлыг ажылдакчызы, чогаалчы, шүлүкчү, прозачы, очулдурукчу, ССРЭ-ниң Чогаалчылар эвилелиниң кежигүнү, Тываның культуразының алдарлыг ажылдакчызы, «Шылгараӊгай күш-ажыл дээш» медальдың эдилекчизи Өлчей-оол Кунгаевич Монгуштуң 90 харынга тураскааткан «Төрээн черим ыраажызы» деп литературлуг сактыышкын кежээзи болуп эрткен. Чогаалчының “Ыр дег чараш көстүп кээр сен” деп шүлүүнге билдингир композитор Солаан Базыр-оолдуң аялгазынга бижээн ырыны Ак-Туругнуң Б. Байынды аттыг уран чүүл школазының башкылары аянныг ырлажып, кежээни байырлал шиник киирип ажытканнар.

Ак-Туруг ортумак школазының тыва дыл, чогаал башкызы Салзынмаа Хомушку чогаалчының допчу-намдары-биле таныштырып, солун сактыышкыннарны чугаалап берген. Ном саңының эргелекчизи Чодураа Анай-оол чогаалчының юбилейинге тураскааткан ном делгелгези-биле литературлуг сактыышкын кежээзинге келгеннерни таныштырып, чогаалчының үндүрген номнарының допчулалын кылып, база чогаалчының эдилеп чорааны бижик парлаар машиназы дээш оон-даа өске хууда эт-херекселдерин келген чонга көргүзүп, сонуургаткан.

Тываның Чогаалчылар эвилелиниң кежигүнү, чаңгыс чер чурттуувус шүлүкчү Руня Сайын-ооловна Мачын база чогаалчының уруглары Белекмаа Өлчей-ооловна, Солун-кыс Николаевна, Уран Николаевна, уйнуу Меңги Мергеновна олар кежээге келгеннер. Чаа-Хөл кожууннуң культура эргелелиниң даргазы Чойган Дадар чогаалчының уругларынга, салгалдарынга байыр чедириишкинниң бижиктерин тыпсып, “Чогаалчы Монгуш Кунгаевич Өлчей-оолдуң чогаалдары чер-чуртувустуң чараш-каазын мага хандыр чеченчидип көргүскени кайгамчык, шүлүктериниң аяны агып баткан Чаа-Хөл хем дег уйгу чок, номчукчунуң сагыш-сеткилинге уран болгаш катаптаттынмас исти арттырган, Тываның төөгүзүнге ол шак-ла ынчаар мөңгежип артар” — деп үнелелди берген.

Чаа-Хөл кожууннуң төпчүткен ном саңының удуртукчузу Динара Доржу чогаалчының төрелдеринге байырын чедиргеш, суй белектерни сөңнээн. Ак-Туруг ортумак школазының өөреникчизи Валерия Байыр чогаалчының “Суурум” деп шүлүүн, Күдерек Кенден, Күдер Пема “Өскен черим”, Чаа-Хөл кожууннуң аныяк чогаалчызы Артур Сотпа “Чаңгыс доңдан”, хоочун башкы Валентина Опуйлаа “Кавайга йөрээл” деп шүлүктерин аянныг номчааннар.

Кызыл-Даг көдээ ном саңының коллективи чогаалчының “Хөөрээрниң чугаалары” деп номундан “Чээрби адыр”, Ак-Туруг ортумак школазының 5-ки клазының өөреникчилери “Хелемечилиг кижи” деп чечен чугааларны сценажыдып көргүскеннер. Чаа-Хөл кожууннуң төп ном саңының коллективи чогаалчының ыры болуп хуула берген "Сени сактып" деп ырызын аянныг ырлап бергеннер. Хүндүлүг аалчывыс, чогаалчының чээни Руня Мачын база ном саңының хоочун номчукчулары хоочун башкы Борбак Хөлчүк, Наталья Дамчай, Светлана Монгуш, Клара Натпит чогаалчының дугайында солун, чылыг сактыышкыннарны чугаалаан.

Ном саңының эргелекчизи Чодураа Анай-оол ук хемчегге киришкен аалчыларга, киржикчилерге өөрүп четтириишкин бижиктерин тывыскан. Чогаалчы Өлчей-оол Монгуштуң 90 харынга тураскааткан литературлуг сактыышкын кежээзи ниитизи-биле бедик деңнелге эрткен.

Чодураа АНАЙ-ООЛ,
М.К. Өлчей-оол аттыг ном саңының эргелекчизи.

«Шын» №1 2025 чылдың январь 16