ТГШИ-де тыва дылды чурагайжыдар тѳлевилел ёзугаар онлайн очулдурукчуну тургузар ажылдар уламчылап турар. Чоокта чаа болган семинарга институттуң эртем ажылдакчылары “Яндекс. Переводчикке” тыва дылдыӊ чергелешкек сѳс каттыжыышкыннарын киирер тѳлевилелдиӊ айтырыгларын чугаалашкан. Семинарныӊ киржикчилери боттарыныӊ аразынга арга-дуржулгаларын солчуп, күүседир хуусаазын чугаалашканнар.
Тѳлевилелди боттандырар ажыл эрткен чылын Россияныӊ эгелекчи саналы-биле делегейниӊ үндезин чоннарыныӊ он чылдыӊ дургузунда боттандынар тѳлевилел ёзугаар эгелээнин демдеглээри чугула.
2022—2023 чылдарныӊ хемчеглериниӊ планында национал дыл кырынга клавиатураны таарыштырары, тыва шрифтилерни киирери, мобильдиг капсырылгаларны чогаадып кылыры, эвээш санныг чоннарныӊ чаагай чаӊчылдарыныӊ виртуалдыг музейин тургузары, театр коллективтериниӊ оюн-тоглаазын эрттирерин болгаш ѳске-даа хемчеглерни чорудары кѳрдүнген.
Тѳлевилелди ТГШИ-ниӊ дыл шинчилелдер секторунуӊ эртем ажылдакчызы, филология эртемнериниӊ кандидады Чойган Ондар удуртуп турар.
ТГШИ-ниӊ медээлеринден
