Тиилелгениң 80 чылынга
Ада-чурттуң Улуг дайынынга Тиилелгениң 80 чылынга тураскааткан «Тиилелгеже Ура!» деп улуг хемчээлдиг мультмедия төлевилелди Россияда боттандырып турар. Бо төлевилелди Россияның шупту регионнарынга 2025 чылдың май 15-ке чедир чорудар. Кижи бүрүзү бо улуг төлевилелге киржип болур: 1945 дугаарлыг телефонче долгапкаш, 1945 чылда тиилелгелиг болуушкуннарның киржикчизи апаар: ат-сураглыг диктор Юрий Левитанның номчааны Совет информация бюрозунуң медээлерин, дайын чылдарында эң нептереңгей совет улустуң ынак дайынчы ырларын дыңнап болур. Ол ырларның аялгаларын телефонга медээ азы коңга орнунга киирип ап болур. Бо дугаарны сактып алыры база белен — 1945 Тиилелге чылы.
Эки чаңчыл апарган бо акцияны кол мобильдиг операторлар МТС, “Билайн”, “Мегафон”, Т2 Россияның Сан-чурагайлыг хөгжүлде, харылзаа болгаш массалыг коммуникациялар яамызының деткимчези-биле эрттирип турар.
«Тиилелгеже Ура!» деп мультмедия төлевилелди Россияга эң-не баштай 2010 чылда Тиилелгениң 65 чылынга тураскаадып эрттирген. Ооң соонда Тиилелгениң 75 чылы 2020 чылда, 2025 чылда,Улуг Тиилелгениң 80 чылында, эрттирип турары бо.
Фото-чуруктарны ажык медээлерден хоолгалаан.