Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
26 сентября, пн

Тыва эки турачыларга сактыышкын хүнү.

3 сентября 2022
4

Сентябрь 1 чүгле Билиглер хүнү эвес, Тыва Арат Республиканың эки турачыларынга төөгүлүг тураскаалдың болгаш алдар-аттың хүнү база болур.

Ук сактыышкын хүнүн 2015 чылдың апрель 27-ден тура Тыва Республиканың Баштыңының Чарлыы-биле сентябрь 1-де демдеглеп эрттирер кылдыр доктааткан. Байырлыг ёзулал чылдың-на 2016 чылдың сентябрь 1-де республиканың бүгү чонунуң демниг күжениишкини-биле ажыттынган Тыва эки турачыларга тураскаал чанынга болуп эртип турар. Аңаа хоочуннар, Тыва Республиканың Чазааның төлээлери, Дээди Хуралдың депутаттары, хоорайның Төлээлекчилер хуралы, дайын киржикчилери болгаш кадеттер киришкен.

Сактыышкынның митингизин Кызылдың гарнизонунуң удуртукчузунуң түр үеде хүлээлгезин күүседип турар майор Азат Фатхутдинов ажыткан. Юнармейжилер Россия Федерациязының болгаш Тыва Республиканың күрүне туктарын база Тиилелгениң тугун көдүрген.

Тываның Баштыңы Владислав Ховалыг келгеннерге байыр чедирип, сөстү алган:
“Бөгүн Тыва Арат Республиканың эки турачыларынга төөгүлүг тураскаалдың болгаш алдар-аттың хүнүн демдеглеп тур бис. 1943 чылдың сентябрь 1-де Кызылдан эки турачылар аъттанган. Хөй-хөй чылдар эрткенде, ук маадырларның уйнуктары катап база Төрээн чуртун камгалаары-биле Донбасстың чурттакчы чонунга дузалажып, эки турачы болуп четкеннер. Сентябрь 1 дээрге чүгле төөгүнүң сактыышкыннары эвес, а амгы үеде бистиң чуртувусту, республикавысты канчаар деткиир, экономика болгаш айыыл чок чоруун канчаар быжыктырар дугайында боданыр хүн болур. Боттарывыстың салгалдарывыска төлептиг сактыышкыннарны арттырар ужурлуг бис” – деп, ол чугаалаан.

Улаштыр РФ-тиң Камгалал яамызының болгаш ТР-ниң Чазааның күрүне шаңналдарын тыпсыр ёзулал болуп эрткен.
Митингиниң төнчүзүнде Тыва эки турачылар тураскаалынга боодал чечектерни салган.

Ч. СААЯ.
Чурук Мария СААЯНЫЫ.

false
false
false
false
false