Тыва Республиканың Чазааның чанында Тываның гуманитарлыг болгаш социал-экономиктиг тускай шинчилелдер институду Шагаа уткуштур өөреникчилер аразынга тыва улустуң тоолдарынга үндезилээш чураан чурук мөөрейин чарлаан.
Ооң кол сорулгазы - тыва улустуң аас чогаалы, ёзу-чаңчылдарынга өзүп орар салгалдың сонуургалын оттурары, төрээн дылын сайзырадып, номчуттунарынга ынак болурунче хаара тудары болгаш чурулга уран чүүлүнге сундулуг уругларны деткиири болуп турар.
Мөөрейге киржир күзелдиг уруглар февраль 5-ке чедир билдириишкиннери-биле катай (IPG, PDF) форматка чураан чуруктарын дараазында электроннуг почтаже smus@tigpi.ru чорударын организакчылар дилеп турар.
