Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Тывада 2647 кижи ай санында төлевирни ап турар

27 ноября 2023
10

Чажындан тура 1-ги бөлүктүӊ инвалиди азы 18 хар четпээн инвалид уругну азырап турар улуг кижиге ай санында акша төлевир бээрин хоойлужудулга ёзугаар доктаадып каан. Амгы үеде Тываныӊ 2647 чурттакчызы шак ындыг төлевирни ап турар.


Ада-иениӊ кайы-бирээзи (азы уругну азырап алган кижи, опекуну, ажаап-тежээкчизи) ажылдавайн, инвалид дээш пенсия ап турар уруун азырап карактап турар болза, төлевир алыр.

Ай санында алыр акша-хөреӊгизиниӊ хемчээли – 14 000 рубль, Тожу, Тере-Хөл, Мөӊгүн-Тайга кожууннарда чурттап турар болза, 15 000 рубль болур.

Бир эвес ол уругну ада-иезинден өске кижи ажаап карактап турар болза, ол ай санында 1680 рубль, Тожу, Тере-Хөл, Мөӊгүн-Тайга кожууннарда чурттап турар болза, 1800 рубль алыр.

Азыракчы кижиниӊ пенсия алыр эрге-ажыын барымдаалап, бир чылда 1,8 пенсия коэффициентизи-биле стажын база санап турар.

Уругну азырап турары дээш ай санында төлевир бээриниӊ дугайында албан билдириишкин бижиир ужурлуг.

Россияныӊ Социал фондузунуӊ Тыва Республикада салбыры ол билдириишкинге даянып, чугула херек документилерни боттары чыып алыр. Чижээ, инвалид уругну азырап турар улуг кижиниӊ ажылдавайн турарын, өске акша орулгазыныӊ бар-чогун тодарадыр, а бичии уругнуӊ инвалид деп бадыткаанын ылавылап билип алыр.

Билдириишкинни Госуслуга порталындан, Россияныӊ Социал фондузунуӊ сайтызында хуу кабинединден, СФ-ниӊ Тыва Республикада салбырыныӊ клиентилер албанындан чорудуп болур.

Бир эвес инвалид уругну азырап карактавайн барган болза, ол кижи Россияныӊ Социал фондузунга чогуур медээни 5 ажыл хүнүнүӊ дургузунда дамчыдар ужурлуг. Оон башка инвалид уругну азыравайн турган үезинде, алган акша-төгериин катап Россияныӊ Социал фондузунга эгидер апаар.

Россияныӊ Социал фондузунуӊ регионалдыг салбырыныӊ клиентилер албаныныӊ специалистери ажыл хүннеринде 09.00 шактан 18.00 шакка чедир ажылдаар. Арга-сүме айтырып харылзажыр телефоннары: 8-800-200-05-43.

Россияныӊ Социал фондузунуӊ Тыва Республикада салбырының медээлеринден Р. Демчик очулдурган.