Чыл дургузунда чем аймааның өртээ каш удаа өскениниң чылдагааны, рубльдиң үнезиниң бадып турарында деп, Россияның Банкызының регионалдыг салбыры дыңнаткан.
Шак-ла ындыг чылдагаан-биле даштыкыдан сөөртүп турар ногаа-чимис аймааның өртээ база өскен.
Ниитизи-биле Тывага инфляция 6 хууда чедип келген. Мында рубльдиң үнезиниң батканындан аңгыда, чоннуң хереглелиниң, чижээ авиааргыжылга талазы-биле өзүп турары чылдагаан болуп турар.
“Чоокку үеде инфляция ам-даа өзер. Россияның Банкызының баш бурунгаар даап бодаашкыны-биле ниити чуртта инфляция чоорту 4 хууга бадып кээр. Шак ындыг байдал 2024 чылда уламчылаар” – деп, Россияның Банкызының Тывада салбырының оралакчы даргазы Владислав Сырыгин демдеглээн.
Бистиң корр.