Республиканыӊ христиан шажын-чүдүлгелиг чурттакчыларынга Тываныӊ Баштыӊы байыр чедирип турарыныӊ дугайында социал четкиде блогунга бижээн:
«Православиениӊ чүдүкчүлеринге Бурганны айызаан Крещение хүнү-биле байыр чедирип тур мен! Бурганныӊ Ыдыктааны деп база адаары православиениӊ кол байырлалыныӊ бирээзи ол болур. Бо байырлалдыӊ төөгүзү солун. Шак бо чырык хүнде силерниӊ шуптуӊарга ак орукту, ачы-буянныг бодалдарны, быжыг кадыкшылды, менди чаагай болгаш амыр-тайбыӊ чоруктуг болуруӊарны күзедим!
Шажынчы хүлээлгезин сөөлгү беш чыл дургузунда Кореяда болгаш Тывада эрттирип турар архиепископ Феофан-биле ужураштым. Бөгүн ол ийи дакпыр байырлалын демдеглеп турар. Церковьтуӊ улуг байырлалы биле бодунуӊ төрүттүнген хүнү. Кызылдыӊ епархиязында чырыдыышкын ажылын ужуражылга үезинде сайгарып чугаалаштывыс. Ыдыктыг бижимелдерни тыва дыл кырынче очулдурганы дээш аӊаа аӊгы байыр чедирдим. Шагаан-Арыг, Бай-Хаак, Доора-Хемде чаа хүрээ тудугларыныӊ дугайында база чугаалаштывыс.
Тываныӊ чону бо байырлалдыӊ кол демдээ - сугга онзагай хамаарылгалыг дээрзин архиепископ демдегледи. Аржаан сугларлыг черге ындыг болбазыныӊ ужуру ол.
Ынчангаш амгы үеде православ чүдүкчүлерден өске улустуӊ айыстыг сугну чалап алыр дээш кээп турары ол болур.
Р.Демчик белеткээн.
