Дүүн, октябрь 29-та, Тывадан тускай операцияга киржири-биле долу эвес мобилизация-биле кыйгырткан шериг ооолдарны үдээн.
Кызылда 55-ки мото-адыгжы (даг) бригадазының баазазынга бир ай дургузунда шериг белеткелин эрткен соонда Тывадан кыйгырткан шериг оолодарны даанган сорулгаларын күүседири-биле аъткарган. Тываның Баштыңы Владислав Ховалыг оолдарга чагыг-сөзүн берген:
"Тыва Республикадан мобилизастаттынган хамаатылардан хевирлеттинип тургустунган мото-адыгжы батальонну үдеп тур бис. Олар Россия Федерациязының Президентизи Дээди командилакчы В.В. Путинниң даалгазын күүседип, Ада-чуртувустуң айыыл чок чоруун хандырып, камгалаары-биле аъттанып турарлары бо.
Берге үеде Ада-чуртун камгалаарынга белен езулуг эр кижилерниң Тывада бар болуп турарынга чоргаарланып тур мен. шуптувус олар дээш сагыш човап турар бис. Тываның муң-муң чурттакчылары, харын-даа бүгү республика, чонувустуң чаагай чаңчылдарын сагып, шериг албанныгларга, эки турачыларга база мобилизастаттынганнарга ачы-дуза чедирер буянныг чорукта үлүг-хуузун киирип эгелээн. Понедельник, октябрь 31-ден эгелеп, мобилизастаттынган хамаатыларның азы оларның өг-бүлелериниң кежигүннериниң агар саннарынче (чамдык мобилизастаттынган оолдар, өөнүң ишти азы ажы-төлүнүң агар саннарын айтып каан) 100 муң рубль түңнүг деткимче акша кирип эгелээр. документилер шүүштүрер ажылды доозупкан бис, бүгү херек акша-хөреңги Тываның Күш-ажыл болгаш социал политика яамызында бар.
Хүндүлүг шериг оолдарым! Эргим чаңгыс чер чурттугларым! Төрээн Тываңар болгаш бистиң улуг чуртувус шупту силер-биле кады! Албан-хүлээлгеңер төлептиг эрттиргеш, аал-ораныңарже тиилелгелиг ээп чанып келириңерни күзедим!"
Орууңар ак болзун!
