Апрель 27-де шак ындыг чемпионатты Тыва Республиканың Чурагайлыг хөгжүлде яамызы организастап эрттирер дээн. Ону Чоннуң чаңгыс эп-сеткил каттыштырылгазының чылынга тураскаадып Тываның информастыг технологиялар техникумунга аяныктарны чыып, эрттирер деп планнап турар.
Ооң кол сорулгазы – “спортчу программирование” деп спорттуң хевирин чон аразынга нептередири, ол талазы-биле шылгараңгай аныяктарны илередири болгаш чурагайлыг экономика адырында чедишпейн турар кадрлар айтырыын шиитпирлеп, салым- чаяанныг аныяктарны улам-на деткип, республикага чурагайлыг технологияны сайзырадыры болур.
Чемпионатка киржири-биле 14 хардан 35 харга чедир күзелдиг улусту чалап турар. Маргылдааның киржикчилери спортчу программирование талазы-биле айтырыгларга Pascal, C, C++ болгаш Java деп программа тургузарынга ажыглаар дылдарга харыылаар.
Киржир күзелдиг улус апрель 26-га чедир чагыгларын киирер.
Немелде медээни дараазында +7(394) 229-77-12 телефонче долгааш, билип ап болур. Электроннуг почтаның адрези: it@rtyva.ru.
Чемпионаттың дүрүмүнүң дугайында дараазында айтыгже киргеш, билип ап болур: https://itsportrtyva.ru
Тываның Чурагайлыг хөгжүлде яамызының парлалга албанының медээзи-биле
Чурукту интернеттен алган
#Шынсолун#ЧемпионатпоспортивномупрограммированиюТыва#ТываныңЧурагайлыгхөгжүлдези#
Тывага бир дугаар спортчу программа тургузарынга чемпионат болур
23 апреля 2023
26