Украинада тускай шериг операциязында киржип турар Тывадан шериг оолдарга узаламчы ''кызыл кош'' аъттаныпкан.
Тываның Баштыңы Владислав Ховалыг тыва журналистер-биле эрттиргени парлалга конференциязының үезинде Украинада шериг оолдарывысче ачы-дуза кылдыр ''кызыл кош'' чорудар деп турар идепкейжи хамаатыларга орук чоруурунга дуза чедирерин аазаан турган.
Бо хүн орукче аъттаныпкан 'кызыл-кошчуларны' үдээн. Владислав Ховалыг республиканың эриг баарлыг чонунуң, Улусчу фронтунуң идепкейжилериниң, хууда сайгарлыкчыларның, өске-даа албан-организацияларның бо үеге чедир чыып берген ачы-дузазын чедирер автотранспорт өртээн төлээри-биле акша-хөреңгини үндүрүп берген.
''Кызыл коштуң'' организаторлары дайынчы оолдарның чоок, төрел улузу-биле эът-чем аймаа болгаш чылыг хептерни немей саткан. Украинада оолдарывыс-биле харылзажырга, дайынчыларга квадрокоптерлер чугула херек болуп турарын дыңнаткан.
''Кызыл кош'' ам-даа уламчылап турар, шериг оолдарывыска ачы-дуза чедириксээр улус шак бо ''кызыл коштуң'' организакчыларының бирээзи журналист Наталья Александровна Черноусованың Сбербанкыда агар санынче 8 923 264 32 93 телефон дугаары-биле шилчидип болур.