Бөгүн, апрель 16-да, православ чүдүлгениң чону Чырыткылыг Христостуң катап чаларап келгенин демдеглеп турар. Пасха хүнүн таварыштыр Тываның Баштыңы Владислав Ховалыг республиканың чурттакчы чонунга байырын чедирген:
“Чырыткылыг Христостуң катап дирлип келген хүнү – Пасха байырлалы-биле бистиң православ чүдүлгелиг чаңгыс чер чурттугларывыска байыр чедирип тур мен! Ук байырлал чуртталганы эң-не буянныг минниишкин-биле долдуруп, өөрүшкүлүг оттуушкунну болгаш ачы-буянны, чогаадыкчы чорукче кижилерниң чүткүлүн илередип турар.
Кызыл хоорайда Православ хүрээниң епархиязынга республиканың чурттакчы чонунуң сагыш-сеткилин сайзырадыр, националдар болгаш шажын чүдүлгелер аразында чөпшээрежилгени быжыктырар талазы-биле идепкейлиг ажылы дээш, өөрүп четтиргеним илередип тур мен.
Частың шак бо кайгамчык хүнүнде силер бүгүдеге өөрүшкү-маңнайны, кадыкшылды, тайбыңны болгаш менди-чаагай чорукту күзедим!” – деп, Владислав Ховалыг чугаалаан.
Тываның Баштыңы Пасха хүнү-биле байырын чедирген
16 апреля 2023
34