Владислав Ховалыг @vladislavkhovalyg республиканың чурттакчыларынга Христостуң төрүттүнгениниң чырыткылыг байырлалы-биле байыр чедирген.
«Байырлал-биле Тываның православ христианнарынга сеткилимниң ханызындан байыр чедирип тур мен! Бо кайгамчык байырлал сагыш-сеткиливисти чылыг-чымчак, буянныг, идегел-биле долдуруп, чоок улузувуска ынакшылды, кээргээчел чорукту болгаш өршээлди мөңге үнелиг чүүлдерни сагындырып турар. Янзы-бүрү омак-сөөктүг чоннуг республикавыста аңгы-аңгы культуралар, чүдүлгелер, чаңчылдар бистиң-биле кады чурттап чоруур. Төрээн чурттувустуң күжү болгаш чаңгыс деми аңгы-аңгы омак-сөөктүг чоннарның чүдүлгезин, чаңчылдарын, культуразын хүндүлээривисте чаштып чыдар» – деп, ол бодунуң хууда блогунда демдеглээш, Тываның Баштыңы республиканың чурттакчыларынга кадыкшылды, тайбыңны, байлакшылды күзээн.
Бистиң корр.
Чуруктарны Владислав Ховалыгның хууда блогундан алган.
