"Бо чурукта мээң-биле кады турар улусту аңгы таныштырган ажыы чок. Чүге дизе, Тываның чону оларны эки таныыр. Ол дээрге, Белгород облазының кызыгаарында турар Ровеньки суурдан бистиң хүндүлүг Ваня биле Маша Обрезановтар-дыр. Тускай шериг операциязының эгезинден тура олар бистиң республикадан барган шериглерниң фронтучу ада-иези, а оларның бажыңы – бистиң оолдарга шериг хөделиишкиннерниң мурнуку одуруунче чоруур мурнунда күш кирип, чаглактаныр чери апарган.
Иван Алексеевич биле Мария Ивановнага чедип, амы-хууда четтиргеним илередип чедер дээш, чаа черлерже сургакчылаашкын графигинде албан-биле бир хүннү аңгылап алган мен. Бистиң дайынчыларывыска оларның чедирген дузазы кандыг-даа шаңнал-мактал, материалдыг деткимче-биле деңнеп болдунмас. Ындыг-даа болза Ваня акый биле Маша угбайга бүгү тыва чоннуң мурнундан “Тыва Республикага чедирген ачы-хавыяазы дээш” деп медальды тыпсыры чугула деп шиитпирледим.
Олар боттарының үлегеринге эп-найыралдыг чурттап, бот-боттарын деткижип чорааш, бир демниг болур болза, кол сорулга – фронтуга Тиилелгени чедип алырынга чүден артык чугула чүүл ол дээрзин көргүзүп турар".
Чазак Даргазы Обрезановтарның өг-бүлезинге кээп чорда, 55 дугаар мото-адыгжы (даг) бригаданың дайынчылары чаңчыл аайы-биле Ваня акый, Маша угбайдан дуза дилеп, бичии күш кирип, дыштанып алыр дээш оларга чедип келген.
#Шынсолун#ГлаваТувы
#СемьяОбрезановых
#ВладиславХовалыг
