Республиканыӊ Чазааныӊ орлакчы даргазыныӊ албан-дужаалыныӊ хүлээлгелерин күүседир кылдыр Олег Лукинни Тываныӊ Баштыӊы Владислав Ховалыгныӊ чарлыы-биле томуйлаан.
Олег Николаевич Лукин 53 харлыг. Ол - Сибирь регионнарыныӊ энергетика, тудуг болгаш коммунал ажыл-агый адырында арга-дуржулгалыг башкарыкчы. Омск хоорайныӊ демир-орук транспортунуӊ институдун, Россия Федерациязыныӊ Чазааныӊ чанында Саӊ-хөө академиязын дооскан. 35 чыл күш-ажылчы стажтыг, удуртукчу албан-дужаалдарга 16 чыл дургузунда ажылдап келген.
Олег Лукинниӊ күш-ажылчы намдарында бижээни-биле алырга, ол Омскунуӊ энергосбыт компаниязыныӊ коммерция талазы-биле директорунуӊ оралакчызы, «Омскэнергонуӊ» чиӊгине директорунуӊ оралакчызы, «Тываэнергонуӊ» чиӊгине директору болуп ажылдап турган.
Ооӊ аӊгыда, «Россеть» акционерлиг ниитилелдиӊ бир адыры «Сибирь» регионнар аразында хуваалдалыг четкизиниӊ чиӊгине директорунуӊ оралакчызы, ооӊ салбыры «Красноярскэнерго» деп компанияныӊ директору, «Красноярскыныӊ регионалдыг энергетика компаниязыныӊ» чиӊгине директорунуӊ оралакчызы, «Красноярск крайныӊ «Коммуналдыг комплекс сайзырадыр төвүнүӊ» директорунуӊ бирги оралакчызы деп албан-дужаалдарны ээлеп чораан.
Электрилиг энергия садып-саарарыныӊ болгаш ону хереглээриниӊ электрилиг энергия рыногунуӊ киржикчилери болгаш төлевилелдер институду-биле кады ажылдажылганыӊ, энергетиканыӊ чаа объектилериниӊ тудугларын организастаар, бүдүрүлгелерниӊ буурап дүжеринге удур программаларны боттандырарыныӊ айтырыглары-биле хөй чылдар дургузунда ажылдап келген.
Тыва Республиканыӊ Чазааныӊ медээлеринден Р.Демчик белеткээн.