Бөгүн, сентябрь 23-те, Арат шөлүнге Кызылдың хөй омак-сөөк чурттакчылары болгаш аалчылары чыглып, Донецк, Луганск республикалар болгаш Херсон, Запорожье областарының эки тура-биле Россияга каттыжарының дугайында чүткүл-күзели, шиитпирин деткээн митингиге киришкен. Аңаа Күрүне Думазының депутады Айдың Сарыглар, ТР-ниң ДХ-ниң даргазы Каң-оол Даваа, Республиканың профэвилелдер федерациязының даргазы Галина Сюрюн, Кызылдың Төлээлекчилер Хуралының депутады Буян Биче-оол, Улусчу фронтунуң Тывада регионалдыг штавындан Сергей Белоусов чыылганнарга байыр чедирип, кажан-даа каяа-даа Россия бир демниг, тайбың амыдыралды суртаалдап чоруур күштүг күрүне дээрзин чугаалаан. Ол ышкаш бо хүнде чуртувустуң бодунуң тура-соруун, шиитпирлиин, бир демниин база катап көргүзүп, эки-туразы-биле Россияга катчыр изиг күзелин илереткен Донецск, Луганск республикалар, болгаш Херсона, Запорожье областьтарының чонунуң шиитпирин бир үн –биле деткииринче чонну кыйгырган.
Шак ол кыйгырыгга митингиге келген чыылганнар шупту бир үн –биле чөпшээрежип, “Россия дээш!”, “Путин дээш!” , “Тайбың дээш!”, “Тиилелге дээш!”-деп ыыткыр деткээн.
