«Үре-түңнелдиг болгаш чижилгелиг экономика» национал төлевилел-биле республикада тускай шериг операциязының киржикчилеринче болгаш оларның өг-бүлелеринче угланган «СВОй бизнес: албан-хүлээлгеден бодунуң ажыл-херээнче» деп чаа өөредилге программазы эгелээн. Чагыглар хүлээп алыышкыны эгелээн болгаш, октябрьның 12-ге чедир уламчылаар. Албан-хүлээлгезин дооскан кижилерге бодунуң сайгарлыкчы ажыл-чорудулгазын эгелеп, бизнести чорударының арга-мергежилдеринге өөренир арганы төлевилел бээр.
Ооң киржикчилери программаның ачызында бизнес идеяларны дилээри, сайгарлыкчы чорук үндезиннерин өөренири база ону эгелеп хөгжүдери дээн ышкаш кол талаларын шиңгээдип алырлар. Ол ышкаш аныяк сайгарлыкчыларга амгы үеде күрүне деткимчелериниң дугайында медээлерни таныштырар.
Киржикчи бүрүзү арга-дуржулгалыг дагдыныкчы эксперттерниң удуртулгазы-биле бодунуң ажыл-херээнге чедиишкинни эккээринге дузалаар ужурлуг хөгжүп сайзыраарының хууда картазын тургузар. Оон аңгыда программа амгы үеде ажылдап турар сайгарлыкчылар-биле арга-дуржулга солчур болгаш чугаа чорудар шөлдү тургузар.
Өөредилге эрткен киржикчи бүрүзү практиктиг билиглер болгаш арга-мергежилдер шиңгээдип алырындан аңгыда, өөредилге курузун эрткен дугайында сертификатты болгаш бодунуң ажыл-херээн ажыдар арганы, ол ышкаш грант программаларынга киржиринге белеткеп каан бөлүк документилерни алырлар.
Онлайн-шөлде дараазында шөлүгже чагыгны киирер: forms.yandex.ru/u/68dcfe05....
Немей тайылбыр алыр дизе, «Мой бизнес Республика Тыва» офисче азы дараазында телефон дугаарларынче долгаар - 8 (999) 325-62-02, 8 (929) 316-62-02.