Бо чылдың декабрь 11-де Тыва Республиканың национал архиви бир дугаар бедик шаңнал – “Билиглер” российжи ниитилел” деп Бүгү-россияның хөй-ниити чырыдыышкын организациязының “Культура болгаш уран чүүл” адырынга хамаарышкан “Эң дээре чырыдыышкын төлевилели” номинацияның тиилекчизи болган.
Шак ындыг улуг тиилелгеге ТР-ниң национал архивиниң боттандырганы төлевилели ёзугаар “Тыва эки турачыларга тураскааттывыс...” деп барымдаалыг фильми чедиргенин сагындыраал.
Фильмниң автору ТР-ниң национал архивиниң кол специализи Алдынай Монгуш дээрзин айтыры артык эвес.
“Билиглер” бүгү-российжи ниитилелдиң “Знание. Премия” шаңналын аңгы-аңгы адырлар аайы-биле эртем ажылын чон аразынга нептередири-биле кылган чедиишкиннери дээш база чырыдыышкын ажылынга хамаарышкан төлевилелдерни деткиири-биле Россия чергелиг башкылар, лекторлар, чогаадыкчы авторлар болгаш хөй-ниитиниң мурнунга билдингир апарган лидерлерге тыпсыры-биле тургускан. Ук төлевилел 2025 чылда беш дугаар эртип турар.
Чурукту интернет четкизинден алган.
“Шын” №50 2025 чылдың декабрь 25
