Январь 30-де ВДНХ-ныӊ «Россия» делгелгезинге Бүгү-россия чергелиг «Баштайгыларныӊ шимчээшкини» деп уругларныӊ болгаш аныяктарныӊ ниитилел-күрүнениӊ шимчээшкининиӊ ийиги шуулганыныӊ ажыдыышкыны болган.
Россияныӊ бүгү регионнарыныӊ 3000 ажыг киржикчилериниӊ иштинде Тываныӊ Баштайгылары база бар. Тѳлээлерниӊ аразында школачылар, башкылар болгаш ада-иелерниӊ тѳлээлериниӊ ниитилелин регионалдыг салбырыныӊ чѳвүлелиниӊ даргазы Эртине Куулар баштап турар.
Тываныӊ Баштайгыларын тѳлээлеп, Тываныӊ даг техникумунуӊ башкызы Анай Минчи, ада-ие каттыжылгазының тѳлээзи Долаана Дамдын, Тываныӊ политехниктиг техникумунуӊ сургуулу Чайынды Мартый-оол база школачылар Айза Хомушку, Идегел Минчей, Иван Кукарин, Менги Куулар олар киришкеннер.
Бо шуулган ѳѳредилге, кижизидилге болуушкуннарыныӊ кол киржикчилери болур уруглар, ада-иелер, дагдыныкчылар-биле тургустунган Россияныӊ 89 аӊгы-аӊгы регионнарындан үш мүн ажыг тѳлээлерни хаара туткан.
Россияныӊ Президентизиниӊ Администрациязыныӊ удуртукчузунуӊ бирги оралакчызы Сергей Кириенко: «Владимир Путин «Баштайгыларныӊ шимчээшкинин» уруглар болгаш аныяктарныӊ хѳй-ниити российжи албан черин улуг улус чүгле уругларга кылдыр тургузуп болбас, ол ынчан кедизи чок апаар. Чүгле кады ажылдап болур бис» деп чугаалаанын демдеглээн.
Бүгү чурттуӊ Баштайгылары мурнады хѳгжүдер ажылыныӊ угланыышкыннарын тодараткан, Баштайгыларныӊ бот-башкарылгазыныӊ хѳгжүлдезин сайгарып кѳрүп турар. Баштайгыларныӊ Чѳвүлелинге Тывадан школачы Менги Куулар бактаап кирген. Чыл дургузунда бо албан чериниӊ киржикчилери регионнарда чѳвүлелдиӊ ажыл-чорудулгазын удуртуп башкарар, ол ышкаш бүгү Россияныӊ уругларыныӊ эгелекчи саналын деткиири болур.
Бистиң корр.
