«ИнформУИК» тѳлевилелди боттандырары-биле, Тываныӊ участок соӊгулда комиссиязыныӊ кежигүннери 40049 бажыӊга четкен. Олар соӊгукчуларга соӊгуурунуӊ аӊгы-аӊгы хевирлерин, соӊгуурунуӊ үезин болгаш болур черин тайылбырлап бергеннер.
Тѳлевилел дыка чугула болгаш эптиг деп соӊгукчулар санап турар. Бии-Хем кожууннуӊ чурттакчызы Алдынай: «Интернеттен медээлер дилээр, телевизор кѳѳр үе кижиге үргүлчү турбас болур. Ынчангаш УСК-ныӊ кежигүннери бистиӊ бажыӊывыска келгеш, мени соӊгууру-биле каяа баарын, студент оглумнуӊ ѳѳренип турар чериниӊ аайы-биле каяа, канчаар соӊгуурунуӊ дугайында билдириишкинни канчаар бижиирин тайылбырлап бергени дыка таарымчалыг, ажыктыг болду. Шупту чүүлдү тодаргай тайылбырлап каан информастыг материалдарны үлеп бердилер» – деп бодунуӊ бодалын үлешти.
“ИнформУИК” төлевилелге чурттуң 88 регионунуң барык 330 муң участок соңгулда кежигүннери хаара туттунган. Олар соңгулданың белеткел ажылының, соңгулданың чорудуунуң дугайында болгаш соңгуурунуң хевирлерин тайылбырлаар, соңгулдага хамаарышкан бүгү-ле айтырыгларга долу медээлерни соңгукчуларга чедирер.
Төлевилелдиң киржикчилери таныттынгыр хептерлиг, хөректээштерлиг, соңгулда компанияның ылгавыр демдектиг барбаларлыг, тускай шынзылгаларлыг болур болгаш хөрээнде азыткан бейджик-биле танып ап болур.
Тывага “ИнформУИК” төлевилелдиң ажылы февраль 17-ден март 7-ге чедир уламчылаар.
ТР-ниң соңгулда комиссиязының медээлеринден.
Чуруктарны интернеттен алган.
«Шын» №16 2024 чылдың март 2
