| УГААДЫГЛЫГ ЧУГАА |

Мерген угаанныг эне бир бичии оолду зоопаркка эдертип эккелген.
– Бо сарбашкыннарны көрүп тур сен бе, оглум?
– Ийе, кырган-авай.
– Эскерип көр даан, ол бир сарбашкын өске эштерин быттап-ла турар-дыр бе?
– Ийе.
– Ол сарбашкынны «хайгыылчы» дээр. Ол өскелерни быттыг деп санаар. Бодундан өске бүгү сарбашкыннарны арыглаарын оралдажып чоруур амытан-дыр.
– А өске сарбашкыннар кандыг ирги?
– Олар чүнү-даа тоовас, анаа амыр-тайбың чурттап орар.
– «Хайгыылчы» сарбашкынны кым быттап турар ирги, кырган-авай?
– Кым-даа эвес. Ынчангаш ол эң-не быттыг сарбашкын-дыр.
ӨӨРЕДИГ: Эжиңниң караанда чартыны көөрүнүң бетинде, бодуңнуң бажыңда чудукту ап каавыт.
“Шын” №46 2025 чылдың ноябрь 27